Arshalyda 14 gektardan astam aýmaqty sharpyǵan órt sóndirildi
KÓKShETAÝ. QazAqparat - Aqmola oblysynyń Arshaly aýdanynda 14,5 gektar aýmaqty sharpyǵan órt sóndirildi, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.
Vedomstvonyń deregi boıynsha, 11 tamyzda saǵat 12:55-ter shamasynda Qostomar aýylynan 3 shaqyrym ornalasqan Qyzyljar sharýashylyǵy «Jasyl aımaq» RKK aýmaǵynda órt shyqqan. Jalyn dala jáne ormandy alqaptaǵy 14,5 gektar aýmaqty sharpydy.
«Tilsiz jaýdy aýyzdyqtaýǵa TJK «Qazavıaqutqarý» AQ-nyń Mı-171 tikushaǵy, Aqmola oblystyq TJD jeke quramynan 17 adam jáne 4 arnaıy tehnıka, Nur-Sultan qalasynyń TJD 19 adam jáne 4 arnaıy tehnıka, «Jasyl Aımaq» RKK 40 jumysshy jáne 10 tehnıkasy jumyldyryldy. Nátıjesinde sol kúni keshki saǵat 19:20 órt aýyzdyqtalyp, kelesi kúni keshki ýaqyt 17:00 tolyq sóndirildi», deıdi vedomstvonyń baspasóz qyzmetindegiler.
Eske sala keteıik, osyǵan deıin habarlaǵanymyzdaı 8 tamyzda Ereımentaý aýdanyndaǵy Qoıtas aýylynda 800 gektardan astam jer órtke oranǵan edi. Onyń 200 gektary Qaratal jáne Masaqpaı jaılaýynda boldy. Osy dala órtin sóndirý boıynsha baılanysty Aqmola oblystyq TJD-da jedel shtab qurylyp, ony óńirlik departament basshysy óz baqylaýyna alǵan bolatyn.
