Arshaly mektebine Jumabek Təshenovtiń esimi berildi - Aqmola oblysy
KÓKShETAÝ. QazAqparat - Aqmola oblysynyń Arshaly aýylyndaǵy №3 orta mektepke Jumabek Təshenovtyń esimi berildi, dep habarlaıdy QazAqparat tilshisi oblystyq Іshki saıasat basqarmasyna silteme jasap.
Sharaǵa Aqmola oblysy ákiminiń orynbasary Aına Mysyrəlimova, qoǵam qaıratkeri Orazkúl Asanǵazy, QR Mədenıet jəne sport mınıstrligi Til saıasaty komıteti tóraǵasynyń orynbasary Erkin Sadyqov, QR Ulttyq akademııa ǵylymdarynyń akademıgi Arystan Gazalıev, mədenıet salasynyń eńbegi sińgen qaıratker Baıanǵalı Álimjanov jəne taǵy basqa tanymal azamattar qatysty.
Qazaq halqynyń tarıhynda esimderi altyn áriptermen jazylyp qalǵan tulǵalar az emes. Ásirese, almaǵaıyp alasapyran kezeńderde týǵan eline es bolyp, baǵyt-baǵdar kórsetken jandardyń oryny tym erekshe...Sonyń biri eldiń tutastyǵynyń saqtalýyna, əleýmettik-ekonomıkalyq jəne mədenı damýyna ólsheýsiz úles qosqan birtýar tulǵa Jumabek Təshenov.
"Jumabek Təshenovtiń esimi aqmolalyqtardyń jadynda məńgi saqtalǵan jəne jerlesteri ony maqtan tutady. Onyń ómiri men eńbek joly keleshek jastarǵa úlgi-ónege. Táýelsizdik alǵan jyldary tek bir ǵana bizdiń oblysymyzdaǵy eldi mekenderdegi 10 kóshege Jumabek Təshenovtiń esimi berildi. Endi mine óziniń týǵan jerindegi mektepke esimin berip otyrmyz", dedi aımaq basshysynyń orynbasary Aına Mysyrəlimova.
Sharaǵa qatysýshylar Jumabek Təshenovtiń sýretteri qoıylǵan synypty aralap kórdi. Budan soń "Jumabek Təshenovtiń əlemi: taǵdyr jəne baǵa jetpes mura" taqyrybyndaǵy ǵylymı-təjirıbelik konferentsııa ótti.
