«Arsenaldyń» bas bapkeri koronavırýs juqtyrdy
LONDON. QazAqparat – Londondyq «Arsenal» fýtbol klýbynyń bas jattyqtyrýshysy Mıkel Artetadan koronavırýs anyqtaldy, dep habarlaıdy QazAqparat BBC-ge silteme jasap.
Artetamen baılanysta bolǵan quramanyń negizgi quramy men klýb músheleri eki aptaǵa oqshaýlanady. «Arsenal» jattyqtyrý ortalyǵy jabyldy, jaqyn arada bolatyn Anglııa chempıonatyndaǵy klýbtyń matchtary bolmaıdy.
«Jaǵdaıdyń bulaı bolǵanyna óziń de tańqalyp otyrmyn. Men kóńil-kúıim nasharlaı bastaǵanda birden-aq test tapsyrǵan edim. Endi men jumysqa múmkindik bergende ǵana oralamyn, - dedi 37 jastaǵy ıspandyq Arteta.
Senbi kúni «Arsenal» «Braıtonmen» oıyn ótkizý kerek bolǵan, biraq Premer-lıganyń bul matchyn keıinge qaldyrýǵa týra keldi.
