«Arsenal» kınoteatryndaǵy jarylǵysh zat týraly jalǵan habarlamasy úshin 18 jasar Astana turǵyny ustaldy.
ASTANA. 13 naýryz. QazAqparat - 12 naýryz kúni astanalyq ІІD Jedel basqarý ortalyǵyna «Arsenal» kınoteatryna jarylǵysh zat qoıylǵany týraly habar tústi.
Oqıǵa ornyna dereý jedel qyzmet, Astana qalasynyń ІІD basshylyǵy men jedel tergeý toby, UQKD, TJD ókilderi kelip jetti, Bul týraly qalalyq ІІD-niń baspasóz qyzmetinen habarlady.
Ornatylǵan jarylǵysh qondyrǵy týraly habardy tekserý úshin polıtsııa qyzmetkerleri ǵımaratty túgel qarap shyqty, kınoteatrdan 150 adam evakýatsııalandy.
Jarlǵysh zat tabylǵan joq.
Astana qalasynyń ІІD-niń qyzmetkerleri qabyldaǵan sharalar arqasynda 1994 jyly týǵan Astana qalasynyń turǵyny anyqtalyp, ustaldy jáne ol moıyndaý túsiniktemesin bergen.
Atalǵan fakt boıynsha QR QK-niń 242 baby boıynsha qylmystyq is qozǵaldy. Tergeý júrgizilýde.
Sońǵy ýaqytta bomba qoıylǵany jóninde telefon qońyraýlary keńinen taralǵan qubylysqa aınalǵan, bul rette «ázilqoılar» óz qylyqtarynyń saldary týraly, olarǵa tónip turǵan qylmystyq jaza týraly, sonymen birge memleketke ákeletin zalal týraly oılanbaıdy.
Eskerte ketken jón: «lankestik aktileri týraly kórineý jalǵan habarlama» úshin 200-den 500 aılyq eseptik kórsetkish túrinde aıyppul nemese 6 jylǵa deıin bas bostandyǵynan aıyrý jazasy qarastyrylǵan.
