«Arsenal» – «Qaırat» matchynyń bıletteri satylymǵa shyqty

ALMATY. KAZINFORM – 2026 jylǵy 28 qańtar kúni jergilikti ýaqytpen 20:00-de (01:00 Almaty ýaqyty) Londondaǵy Emirates Stadium stadıonynda ÝEFA Chempıondar lıgasy aıasynda «Arsenal» – «Qaırat» matchy ótedi.

Qonaq sektoryna arnalǵan bılet Qairat SuperApp jáne Freedom SuperApp mobıldi qosymshalarynda satylyp jatyr. Bılet qaıtarylmaıdy.

Osylaısha, qazaqstandyqtar almatylyq klýbty aǵylshyn Premer-lıgasynyń lıderlerine qarsy ótetin tarıhı oıynda stadıonnan qoldaý kórsete alady.

Aıta keteıik, Almatynyń «Qaırat» fýtbol klýby ÝEFA Chempıondar lıgasynyń jalpy kezeńindegi jetinshi týr aıasynda Belgııanyń «Brıýgge» komandasymen oınaıdy. Kezdesý 20 qańtarda «Astana Arena» stadıonynda ótedi. Oıynnyń Qazaqstan ýaqytymen saǵat 20:30-da bastalady.

Buǵan deıin osy matchtyń bıletteri satylymǵa shyqqanyn habarlaǵanbyz.

Bıletterdiń baǵasy oryn sanatyna qaraı 15, 25 jáne 35 myń teńge bolyp belgilengen.

Eske salaıyq, osyǵan deıin Qazaqstan Premer-lıgasynda top jaryp, klýb tarıhynda Chempıondar lıgasynyń negizgi kezeńine alǵash ret joldama alǵan «Qaırattyń» quramynda 2025 jyldyń qorytyndysy boıynsha birqatar ózgeris bolǵanyn jazǵanbyz.