«Arsenal» - «Qaırat» kezdesýiniń birinshi kezeńi aıaqtaldy

ASTANA. KAZINFORM - UEFA Chempıondar lıgasy negizgi kezeńiniń segizinshi týrynda «Arsenal» (Anglııa) - «Qaırat» (Qazaqstan) kezdesýiniń birinshi kezeńi aıaqtaldy.

Alǵashqy mınýttan anglııalyq klýb oıyn tizginin qolǵa ustaýǵa tyrysty. Nátıjesinde olardyń qatarynan Vıktor Dekeresh 2-mınýtta esep ashqan edi. Oǵan 7-mınýtta almatylyq klýbtan Jorjıno penaltı arqyly bir golmen jaýap berdi. Ony londondyq komanda qorǵaýshylary óz alańynda shalyp jyqqqan bolatyn.

Odan keıin de anglııalyq klýb qaıtadan shabýyldy údete tústi. Londondyq klýbtan Kaı Haverts 15, Gabrıel Martınellı 33-mınýtta mergendik tanytty.

Birinshi kezeńnen keıin «Qaırat» qarsylasyna 1:3 esebimen ese jiberip jatyr.

Aıta ketsek, «Arsenal» sapynan búgin jaraqatyna baılanysty qorǵaýshylar Ýılıam Salıba men ıÝrrıen Tımberdiń aldaǵy kezdesýge qatysýdan tys qalyp otyr. Olardyń ornyn qosalqy quramnan jas fýtbolshylar basýy yqtımal.

Sondaı-aq búgin jankúıerler Mıkel Merıno men Deklan Raıstyń oıynyn tamashalaı almaıdy. Olar negizgi kezeńdegi jeti kezdesýde úsh márte sary qaǵaz alyp úlgergen edi.

Al «Qaırat» sapynan Dastan Sátpaev pen Azamat Tuıaqbaev jaraqatyna baılanysty komandamen Londonǵa kelgen joq.