ArselorMıttaldy qaıta jańǵyrtýǵa bıýdjetten qarjy bólinbeıdi – Úkimet basshysy
ArselorMıttal kompanııasymen kelisim úzilgennen keıin kompanııa qyzmetin moderzatsııalaý jumysyna bıýdjetten qarjy bólý josparda joq. Bul týraly Premer-Mınıstr Álıhan Smaıylov málim etti, dep habarlaıdy Kazinform.
«ArselorMıttal kompanııasyn Qazaqstan Respýblıkasyna berý sharty týraly egjeı-tegjeıli jarııa ete almaımyz. Aldyn ala kelisimge sáıkes biz qazir olaı isteı almaımyz. Biz mámileni aıaqtaǵannan keıin resmı túrde jarııalanady. Bul bir aıdyń ishinde bolady. Aldyn ala kelisim boıynsha biz barlyq zańdastyrý protsedýrasyn 30 qarashaǵa deıin aıaqtaýymyz kerek. Sodan keıin barlyq aqparat qoljetimdi bolady», - dedi Álıhan Smaıylov Májilistiń jalpy otyrysynan keıin BAQ ókilderiniń saýalyna jaýap bere otyryp.
Álıhan Smaıylov jeke ınvestordy tartý kerektigin aıtty. Buǵan deıin Úkimet basshysy Kostenko shahtasyndaǵy apatqa kinálilerdiń jaýapqa tartylatyny týraly aıtqan edi. Qazir tergeý amaldary júrip jatyr.
