«ArselorMıttal» jumysynda birqatar zańbuzýshylyq anyqtaldy
QARAǴANDY. QazAqparat - Qaraǵandy oblystyq Ekologııa departamenti 27 qazanynan 11 qarashasyna deıin «ArselorMıttal Temirtaý» AQ-nyń Konverter tsehyn tekserdi, dep habarlaıy QazAqparat.
Tekserý barysynda departament birqatar buzýshylyq anyqtady.
Konverter tsehynyń jumysynda ekinshi rettik gaz tazalaýdyń qaldyq gazdaryn aýlaýdyń tıimsizdigi anyqtaldy. Sonymen qatar, Konverterlik tsehtyń aralastyrý tekserý kezinde shoıyndy aralastyrǵysh shómishterine quıý kezinde aspıratsııalyq júıelerde paıda bolatyn gazdardy ustaý kezindegi kemshilikterdi kózben kórdi. Tútin gazynyń barlyq kólemi shatyr terezeleri men framýgalar arqyly atmosferalyq aýaǵa túsedi. Joǵaryda baıandalǵan jaǵdaılar 2021 jylǵy 2 qańtardaǵy № 400 QR Ekologııalyq kodeksiniń 207-babyn buzýǵa alyp keldi.
«ArselorMıttal Temirtaý» AQ anyqtalǵan buzýshylyqtarmen kelispeýine baılanysty, sondaı-aq laýazymdy tulǵalarǵa tekserý júrgizý úshin qajetti materıaldardy berýden bas tartqany úshin Departament bul kásiporynǵa qatysty QR ÁQBtK 331-babynyń 1-tarmaǵy jáne QR ÁQBtK 462-babynyń 1-tarmaǵy boıynsha ákimshilik jaýapkershilikke tartý týraly hattama jasady.
Barlyq ákimshilik materıaldar Temirtaý qalasynyń ákimshilik quqyq buzýshylyq boıynsha mamandandyrylǵan sotyna joldandy.
