«ArselorMıttal Temirtaýǵa» 1 mln teńge aıyppul salyndy
«ArselorMıttal Temirtaýǵa» 1 mln teńge aıyppul salyndy, dep habarlaıdy Kazinform.
«Memlekettik energetıkalyq qadaǵalaý komıteti 2023-2024 j. kúzgi-qysqy kezeńde energetıkalyq kásiporyndardyń jumysqa daıyndyq pasporttaryn berýdi aıaqtady. Tekserý qorytyndysy boıynsha «ArselorMıttal Temirtaý» AQ JEO-2-ge daıyndyq pasportyn berýden bas tartyldy jáne kompanııaǵa 1 mln teńgege aıyppul salyndy», - dedi EM Atomdyq jáne energetıkalyq qadaǵalaý men baqylaý komıtetiniń Qaraǵandy aýmaqtyq departamentinen.
Jylý ortalyǵynda daıyndyq pasporty №4,5 eki qazandyqta kúrdeli jáne ortasha jóndeý kestesiniń buzylýy sebebinen berilmedi. Sonymen qatar energııa ortalyǵy materıaldardy únemdemek bolǵan.
«№1 st. qazandyǵynda keńeıtilgen aǵymdaǵy jóndeý jumystarynyń smetasynda tot baspaıtyn bolattan jasalǵan taza gazdar qorabyn ornatý kózdelgen. Alaıda, áArselorMıttal Temirtaýá AQ JEO-2-de «qara» metaldy paıdalaný týraly sheshim qabyldaǵan. Sondaı-aq smetada «ArselorMıttal Temirtaý» AQ JEO-2-de jańa quıyndylar men buraǵyshtardy (emýlgatorlardyń negizgi elementi) ornatý kózdelgenimen, qoldanystaǵy qondyrǵylardy paıdalaný týraly sheshim qabyldaǵan. Olar 16 jyldan astam jumys istep turǵan jáne aıtarlyqtaı aqaýlary bar bólshekterdi qoldanǵan», - dep habarlady EM Atomdyq jáne energetıkalyq qadaǵalaý men baqylaý komıtetiniń Qaraǵandy aýmaqtyq departamenti.
Sonymen qatar smeta boıynsha №5 qazandyqta 12 kollektordy tolyq aýystyrý qarastyrylǵan. Alaıda «ArselorMıttal Temirtaý» AQ olardy aýystyrmaı, tek tazalaýmen jáne jóndeýmen shektele salǵan. Bul jaǵdaıda belsendi kollektorlardyń 150-den 200 mm-ge deıin aıtarlyqtaı aýytqýlary baıqalǵan.
Sondaı-aq №3 st. qazandyǵynan tútin qubyryna deıin gaz qubyryn jylý oqshaýlaý boıynsha, sondaı-aq qazandyq tsehynyń shatyryn jóndeý boıynsha jumys aıaqtalmaǵan.
Aldaǵy jylytý maýsymynda №3 týrbogeneratordyń iske qosylmaý qaýpi joǵary. Sebebi ol rezervsiz qalyp otyr. Buǵan «ArselorMıttal Temirtaý» AQ tarapynan stator oramasyn aýystyrý úshin jetkizýshimen shart jasasý rásimderiniń uzaqqa sozylyp ketýi sebep boǵan.
Osy kemshilikterdiń barlyǵyn eskere otyryp, kompanııaǵa aıyppul salý týraly sheshim qabyldandy.
«Ákimshilik quqyq buzýshylyq týraly kodekstiń 301-babynyń negizinde «ArselorMıttal Temirtaý» AQ JEO-2 1 mln teńge somasyna aıyppul túrinde ákimshilik jaýapkershilikke tartylatyn bolady. Joǵaryda aıtylǵandardy eskere otyryp, sondaı-aq shtattan tys jaǵdaılardyń týyndaýyna alǵysharttardy boldyrmaý úshin «ArselorMıttal Temirtaý» AQ JEO-2 jylytý maýsymynyń ótýi aýmaqtyq departamenttiń erekshe baqylaýyna alynady», - dep tolyqtyrdy vedomstvodan.
