«ArselorMıttal Temirtaý» isi: 1,8 mlrd teńgege shyǵyn keltirgen kúdikti qamaýǵa alyndy

ASTANA. KAZINFORM — Qarjylyq monıtorıng agenttigi «ArselorMıttalTemirtaý» AQ múlkin jymqyrý faktisi boıynsha «AlbaStroıDor» JShS-niń dırektory S. G. Kımge qatysty tergeý júrgizip jatyr. 

— 2015 jyly «ArselorMıttal Temırtaý» AQ men «AlbaStroıDor» JShS arasynda qaıta óńdeý qaldyqtaryna bılik etý quqyǵynsyz domna shlagyn qaıta óńdeý týraly shart jasalǵan.

Alaıda Kım óndiristik nysandarǵa erkin qoljetimdiligin paıdalana otyryp, zaýyt aýmaǵynan domna qospasy men kesek shoıyndy jymqyrý shemasyn uıymdastyrǵan. Urlanǵan múlikti kedergisiz shyǵarý maqsatynda qylmystyq shemaǵa ózara baılanysty kúzet uıymy «Kúzet» JShS tartylǵan, onyń qyzmetkerleri avtokólikterdiń is júzinde baqylaýsyz ótýin qamtamasyz etken.

Urlanǵan múlikti Kım óz baqylaýyndaǵy «GlobalSpetsTorg» JShS jáne «TsentrOptSnab» JShS arqyly zańdastyrǵan, — delingen QMA habarlamasynda.

Zańsyz áreketterdiń nátıjesinde jalpy somasy 1,8 mlrd teńgeden asatyn 31 myń tonnadan astam ónim urlanǵan.

Kúdikti Kım 2 aı merzimge qamaýǵa alyndy. Sotqa deıingi tergeý jalǵasyp jatyr. 

Aıta ketelik Balqashta temirjoldan 32 tonna katodty mys urlaǵan qylmystyq top sottalǵan edi.