«ArselorMıttal Temirtaý» basshysy kúnine 1 mln teńge jalaqy alyp kelgen

Kompanııa óziniń basqarýshysy Palavathý Krıshnan Naır Bıdjýǵa 2021 jyly 375,9 mln teńge nemese aıyna 31,3 mln, ıaǵnı kúnine 1,01 mln teńge tólep kelgen, dep habarlaıdy Kazinform.

Bul týraly Finance.kz Telegram-arnasy jazdy.

«2022 jylǵy málimetter joq, óıtkeni kompanııa ókilderi olardy qarjylyq esep depozıtarıi portalyna engizbegen. Al bul jumystar 31 tamyzǵa deıin atqarylýy tıis bolatyn. 2020 jyly Palavathý Krıshnan Naır Bıdjý 344 mıllıon teńge alǵan. 2019 jyly onyń aldyndaǵy basshy Paramjıt Sıngh Kalon 328 mln teńge alǵan. 2022 jyldyń tamyzynda tapsyrylǵan sońǵy málimetter boıynsha ArselorMıttal kompanııasynyń taza kirisi 215 mlrd teńgeni quraǵan»,-delingen habarlamada.