«ArselorMıttal Temirtaý» basshylyǵy qatań jazalanýy tıis – eks-premer Serik Ahmetov

Qazaqstannyń burynǵy Premer-Mınıstri Serik Ahmetov 42 kenshiniń ómirin qıǵan Kostenko shahtasynda bolǵan qaıǵyly jaǵdaıǵa baılanysty pikir bildirdi, dep habarlaıdy Kazinform.

«Menińshe, «ArselorMıttal Temirtaý» basshylyǵy qatań jaýapqa tartylýy tıis. 10 jylda qanshama osyndaı qaıǵyly jaǵdaılar bolyp, 140-tan astam kenshilerimiz ben myqty mamandarymyz qurban boldy, olardyń otbasylary, qanshama adam zardap shekti. Bul úlken jaýapkershilik. Endeshe, «ArselorMıttal Temirtaý» jaýapqa tartylýy kerek jáne tek Qazaqstanda ǵana emes. Ony halyqaralyq deńgeıde jazalaý kerek. Nege? Óıtkeni bul nemquraıdylyq, salaqtyq qylmysqa para par jáne ol ónerkásiptik, tehnıkalyq qaýipsizdikke mol qarjy bólinip jatqanyna qaramastan uzaq jyldar boıy jalǵasyn taýyp keldi»,-dedi Serik Ahmetov.