«ArselorMıttal Temirtaý» AQ memleket menshigine qaıtarylady - Úkimet
Úkimettiń «ArselorMıttal Temirtaý» AQ aktsıonerlerimen kásiporynnyń menshik quqyǵyn Qazaqstan Respýblıkasynyń paıdasyna berý týraly kelisimshartty rásimdeýi aıaqtalýǵa jaqyn, dep habarlaıdy Kazinform.
"Úkimet «ArselorMıttal Temirtaý» AQ aktsıonerlerimen aldyn ala ýaǵdalastyqqa qol jetkizgenin jáne kásiporynnyń menshik quqyǵyn Qazaqstan Respýblıkasynyń paıdasyna berý týraly kelisimshartty rásimdeý aıaqtalý ústinde ekendigin habarlaımyz" delingen QR Úkimetiniń baspasóz qyzmeti taratqan habarlamada
Memleket basshysynyń tapsyrmasyna sáıkes Premer-Mınıstr Álıhan Smaıylovtyń tóraǵalyǵymen Qaraǵandy oblysynda «ArselorMıttal Temirtaý» AQ-nyń Kostenko atyndaǵy shahtasynda oryn alǵan apattyń sebepterin tergeý jáne onyń saldaryn joıý jónindegi Úkimettik komıssııa quryldy.
Álıhan Smaıylov Kostenko shahtasyndaǵy apattyń sebepterin tergeý jónindegi Úkimettik komıssııany basqaratyn bolady.
Shahtadaǵy órttiń saldarynan toptyq jazataıym jaǵdaıdyń sebepterine jan-jaqty tergeý júrgiziletin bolady. Sonymen qatar keltirilgen zalaldy baǵalaý, zardap shekkenderge jáne qaza tapqandardyń otbasylaryna alǵashqy kómek kórsetý jóninde sharalar qabyldanady.
