«ArselorMıttal Temirtaýdyń» top-menedjerlerin qymbat turatyn jol talǵamaıtyn kólikterden bir klass tómen kólikterge otyrǵyzdy
QARAǴANDY. 17 qarasha. QazAqparat - «ArselorMıttal Temirtaýda» shyǵyndardy qysqartý saıasatynyń aıasynda kompanııanyń top-menedjerlerin qymbat turatyn jol talǵamaıtyn kólikterden bir klass tómen kólikterge otyrǵyzdy. Bul týraly «ArselorMıttal Temirtaý» AQ-nyń qyzmetkerlerdi josparlaý jáne quramdaý boıynsha dırektory Dmıtrıı Pavlov habarlady.
«Meniń bilýimshe, kólik tsehyna 30-ǵa jýyq kólik qoıyldy. ıAǵnı keıbireýlerinen kólikterdi múldem alyp qoıdy, birqatar basshylardyń temir tulparlaryn tómendeý klastaǵy kólikterge aýystyrdy», - dedi D.Pavlov. Ol onyń ózin Toyota Land Cruiser Pradodan Toyota RAV4 kóligine otyrǵyzǵanyn habarlady.
«Eki jyl buryn kompanııada kólik boıynsha saıasat qabyldanǵan edi. Oǵan sáıkes, joǵarǵy býyn jetekshileri Toyota Land Cruiser Prado klasyndaǵy kólikterge, odan tómenirek qyzmettegiler - Toyota RAV4, jáne kelesi dárejedegi basshylar Chevrolet NIVA kólikterin mindi», - dep túsindirdi D.Pavlov.
Onyń aıtýynsha, kompanııa bosaǵan kólikterdi ázirshe satpaıdy. «Olar kólik tsehynda tur, ıaǵnı olarǵa kún saıyn janar-jaǵarmaıǵa, jóndeý jumystaryna shyǵyndar joq», - dep atap ótti kompanııa basqarmasynyń ókili.
