«ArselorMıttal Temirtaýdyń» metallýrgııa kombınatynda qubyr qulady
ASTANA. QazAqparat - «ArselorMıttal Temirtaý» AQ-nyń Qurysh departamentinde syǵyndalǵan aýa qubyr jelisiniń jartylaı qıraýy oryn aldy, dep habarlaıdy «QazAqparat» HAA tilshisi.
«ArselorMıttal Temirtaýdyń» baspasóz qyzmetinen málim etkendeı, tótenshe jaǵdaı búgin tańerteń boldy.
«Onyń jartylaı qıraýy qorshaǵan ortaǵa da, adamdarǵa da qaýip týdyrmaıdy. Bolǵan oqıǵa óndiriske áser etken joq», - dep atap ótti baspasóz qyzmetinen. Zardap shekkender joq. Komıssııa sebep-saldardy anyqtaýda.
