«ArselorMıttal Temirtaýdaǵy» tótenshe jaǵdaıdyń mán-jaıy belgili boldy
QARAǴANDY. QazAqparat - Metallýrgııa kombınatynyń konverter tsehyndaǵy gaz qubyrynda senbi kúni bolǵan órt oqıǵasynyń mán-jaıy belgili boldy, dep habarlaıdy QazAqparat tilshisi kásiporynnyń baspasóz qyzmetine silteme jasap.
Kásiporyn basshylyǵynyń aıtýynsha, apat saldarynan ottegi, azot, sýtegi suıytylǵan gaz, tyǵyzdalǵan aýa qubyrlaryna zaqym kelgen. Shuǵyl túrde jumysshylardyń qaýipsizdigin qamtamasyz etý sharalary qarastyrylǵan.
«Qazir apattyń sebepterin tekserý, kombınattyń qys mezgilinde jumys isteý qabiletin saqtaý, qalypty jumys rejımine kóshý úshin qubyrlardy qalpyna keltirý jumystary júrip jatyr. Biz úshin bastysy - keleside osyndaı oqıǵalarǵa jol bermes úshin apattyń naqty sebepterin anyqtaý. Menińshe, apat saldaryn joıýǵa úsh aptadaı ýaqyt ketedi, keıin aqyryndap óndiristi «aıaqqa turǵyzamyz», - deıdi «ArselorMıttal Temirtaý» AQ atqarýshy dırektory Vadım Basın.
Onyń sózine qaraǵanda, apatqa jaqyn jerde bolǵan 5 adam jeńil jaraqat alǵan, onyń úsheýi emdelý úshin qysqa demalysqa shyqqan, eshkim aýrýhanaǵa jatqyzylmaǵan.
QR Investıtsııalar jáne damý mınıstrligi «ArselorMıttal Temirtaý» AQ-daǵy apatty tekserýge kirisken.
Eger komıssııa jumysyna qosymsha ýaqyt qajet bolmasa, tekseris nátıjeleri zańmen belgilengen merzimde - 10 kún ishinde jarııalanýy tıis.
Eske sala keteıik, Qaraǵandy oblysynyń Temirtaý qalasyndaǵy «ArselorMıttal» AQ aýmaǵyndaǵy konvertorly tsehtyń syrtqy jaǵyndaǵy gaz qubyrynan órt shyqqan bolatyn.
