«ArselorMıttal Temirtaýda» eki jumysshy balqyǵan shoıynǵa kúıip qaldy
QARAǴANDY. QazAqparat - «ArselorMıttal Temirtaý» metallýrgııa kombınatynda eki jumysshy balqytylǵan metalǵa kúıip qaldy. Zardap shekkender aýrýhanaǵa jetkizildi, dárigerler olardyń jaǵdaıyn aýyr dep baǵalaıdy, dep habarlaıdy QazAqparat tilshisi.
Jazataıym oqıǵa «ArselorMıttal Temirtaý» AQ metallýrgııalyq kombınatyndaǵy konverterlik tsehtyń mıkser bóliminde boldy. Krandy kóterý kezinde shoıyn shelek eki jumysshyǵa qulap ketip, 27 jáne 37 jastaǵy jumysshylardyń ústine balqytylǵan metall tógilip, olardy qatty kúıik shaldy. Olar qazir jansaqtaý bóliminde. Dárigerler zardap shekkenderdiń jaǵdaıy aýyr dep málimdedi.
«1984 jyly týǵan kran mashınısi 2-3 dárejeli kúıik aldy. Onyń denesiniń 20 paıyzy kúıgen. Ekinshi kran mashınısi 1994 jyly týǵan. Oǵan 3-shi, 4-shi dárejeli kúıik shalý dıagnozy qoıyldy, denesiniń shamamen 70 paıyzy kúıip qalǵan. Zardap shekkenderdiń jaǵdaıy aýyr dep baǵalanady. Júrgizilgen reanımatsııalyq sharalardan keıin olar Qaraǵandy oblystyq medıtsınalyq ortalyǵynyń kúıik ortalyǵyna jetkizildi», - dep habarlady «ArselorMıttal Temirtaý» AQ baspasóz qyzmeti.
