«ArselorMıttal Temirtaý» shań tazartqysh qondyrǵylardy jańartýǵa 330 mln teńge bóldi
ASTANA. QazAqparat - «ArselorMıttal Temirtaý» aglomeratsııa tsehynda 330 mln teńge turatyn shań tazartqysh qondyrǵylardy qaıta jańartý jobasyn iske asyrmaq, dep habarlaıdy Qaraǵandy oblysy ákimdiginiń resmı saıty .
Kompanııanyń baspasóz qyzmeti qurylys-montaj jumystary alty aı júrgiziletinin málim etken. Jumysty atqarý úshin jergilikti merdigerlik uıymdar tartylatyn bolady.
"Aspıratsııalyq júıeni qaıta jańartý barysynda aýany 99,9 % deıin tazalaý dárejesimen qazirgi zamanǵy joǵary tıimdi qubyrly súzgi ornatylady. Qaıta jańartý júrgizý Temirtaý qalasynyń ekologııalyq ahýalyna oń áserin tıgizedi jáne metallýrgterdiń eńbek jaǵdaıyn anaǵurlym jaqsartýǵa múmkindik beredi", - dedi kompanııada. Bul kásiporynnyń aglofabrıkada shań tazartqysh qondyrǵylardy birinshi aýystyrýy emes.
Bıyl jańa qondyrǵy júk aýystyryp, tıeıtin eki torapta ornatyldy.
