«ArselorMıttal Temirtaý» shahterleri jalaqyny kóterý týraly kelisimge qol jetkizildi
QARAǴANDY. 20 maýsym. QazAqparat - «ArselorMıttal Temirtaý» AQ-nyń ákimshiligi jáne «Qorǵaý» kómirshiler kásipodaq uıymy jalaqyny kóterý týraly eńbek daýy boıynsha sheshimge keldi. Bul týraly kompanııanyń baspasóz qyzmetinen habarlaıdy.
«2012 jyldyń 19 maýsymynda «Qorǵaý» kásipodaq uıymymen «ArselorMıttal Temirtaý» AQ kómir departamentiniń jumyskerlerine jalaqyny 10 paıyzǵa kóterý kelisimine qol qoıyldy», - delinedi kompanııanyń baspasóz qyzmeti taratqan habarlamada.
Shahmetrler men metallýrgterge jalaqyny kóterý týraly kelissiózder 2011 jyldyń qarashasynan jalǵasyp keledi, dep eske salady kompanııa. «Kásipodaq uıymdary jalaqyny jyl saıynǵy ındeksatsııa ústinen ınflıatsııanyń 30 paıyzyna arttyrýdy talap etti. Kelissiózder ekijaqty formatta da, jergilikti organdardyń kómegimen áleýmettik seriktestik pen áleýmettik jáne eńbek qarym-qatynastaryn retteý boıynsha oblystyq úshjaqty komıssııa aıasynda da ótken. 2012 jyldyń 19 mamyrynda «ArselorMıttal Temirtaý» AQ jumyskerleriniń jalaqyny kóterý týraly talaptardy qoldaý mıtıngi ótti», - dep atap ótiledi habarlamada.
Barlyq kókeıkesti máselelerdi kelissózder jolymen sheshý kerek, dep atap ótedi kompanııada.
«Kelissózder júrgizilgen ústel basynda bitimge kelýdi izdeý tarıftik mólsherlemeler men jalaqyny jyl basynan 10 paıyzǵa (ınflıatsııa boıynsha ındeksatsııanyń 7,4 paıyzǵa esepteı otyryp) kóterý sheshimimen aıaqtaldy. Shahterlerge jalaqyny odan ári kóterý týraly kelissózderdi qazan aıynda satý naryǵyndaǵy jaǵdaıdyń turaqtanýy kezinde jalǵastyrý sheshildi», - dep atap ótiledi baspasóz habarlamasynda.
«Qorǵaý» kómirshilerdiń kásipodaq uımynyń tóraǵasy Marat Mirǵaıazovtyń málimdeýinshe, «shahterler metallýrgııadaǵy álemdik daǵdarystan bolǵan kúrdeli ekonomıkalyq jaǵdaıdy túsinýde». «Ereýildiń kompanııanyń shıelenisken jaǵdaıyn ýshyqtyra alatynyn túsinedi, al bul onyń jumyskerlerine de zııan keltiredi. Sondyqtan biz basshylyqtyń jalaqyny 10 paıyzǵa arttyrý sheshimin qabyldadyq, biraq kelissózderdi jaǵdaı turaqtanǵan soń jalǵastyrmaqshymyz», - dep atap ótti ol.
«ArselorMıttal Temirtaý» AQ-nyń qyzmetkerler boıynsha dırektory Dmıtrıı Pavlovtyń aıtýynsha, ákimshilik metallýrgterdiń «Jaqtaý» kásipodaq qorymen kelissózderdi jalǵastyrýda. «Biz jumyskerler men kásipodaq belsendileriniń arasynda ereýilge shyǵý týraly birde-bir pikirdiń joqtyǵyn kórip otyrmyz. Kóptegen jumyskerler ereýilderdiń qazir paıdadan góri kóp problema týyndatatynyn, kompanııanyń bolsyn, jumyskerlerdiń ózderiniń bolsyn múddelerine nuqsan keltiredi. Óndiristik nemese daıyn ónimderdi tıeý protsesterin buzý tek jalaqynyń kóterilýine ǵana emes, jumyspen qamtýdyń jáne jalaqylardyń aǵymdaǵy jaǵdaıynyń saqtalýyna qaýip tóndire alady», - dep túsindirdi ol.
Osy eki arada, metallýrgterdiń «Jaqtaý» kásipodaq uıymynan habarlaǵandaı, metallýrgııalyq kombınat bólimshelerindegi eskertý jasaıtyn 2 saǵattyq ereýil 29 maýsymǵa belgilengen. Qazirgi ýaqytta 15 adamnan turatyn ereýil komıteti quryldy. Ol talaptar paketin daıyndaıdy. Qazaqstandyq zańnamaǵa sáıkes, jumys berýshige talaptar 5 jumys kúninen keshiktirilmeı berilýi kerek.
Kompanııanyń málimetterinshe, 2011 jyly «ArselorMıttal Temirtaýda» ortasha jalaqy bolat departamenti boıynsha 114 345 teńgeni (2010 jylǵa +12,6 paıyz), al kómir departamenti boıynsha - 134 610 teńgeni (2010 jylǵa +12,3% paıyz) qurady.
