«ArselorMıttal Temirtaý» shahtasyndaǵy apat: Arnaıy komıssııa quryldy
TEMІRTAÝ. QazAqparat - Lenın atyndaǵy shahtada jazataıym oqıǵany tergeý jónindegi komıssııa quryldy. Bul týraly QazAqparat ákimdikke silteme jasap habarlaıdy.
«Lenın atyndaǵy shahtada bolǵan jazataıym oqıǵa faktisi boıynsha Qaraǵandy oblysynyń bas memlekettik eńbek ınspektorynyń ókimimen ónerkásiptik qaýipsizdik salasyndaǵy ýákiletti organ ókiliniń tóraǵalyǵymen komıssııa quryldy, onyń quramyna memlekettik eńbek ınspektory, kásipodaq uıymynyń ókili jáne jumys berýshi engizildi. Oqıǵanyń mán-jaılary men sebepteri jazataıym oqıǵany arnaıy tergep-tekserý aıaqtalǵannan keıin aıqyndalyp, ol týraly qosymsha habarlanatyn bolady», - delingen ákimdik habarlamasynda.
Eske salsaq, 13 qańtarda saǵat 21.53-te «ArselorMıttal Temirtaý» AQ Kómir departamentiniń «Lenın atyndaǵy» shahtasynda apat bolyp, bir jumysshyny izdep jatqany týraly habarlaǵan bolatynbyz.
