«ArselorMıttal Temirtaý» qyzmetkerleri jeltoqsan aıynda 13-shi jalaqy alady
Talqylaý barysynda jeltoqsanda 13-shi jalaqy tóleý jáne 2023 jylǵy 1 qańtardan bastap jalaqyny kóterý týraly sheshim qabyldandy, dep habarlaıdy QazAqparat qaraǵandy oblysy ákimdiginiń resmı saıtyna silteme jasap.
«ArselorMıttal Temirtaý» AQ Bas dırektory Vladımır ıAblonskıı jeltoqsan aıynda barlyq úsh departament pen enshiles kompanııalardyń qyzmetkerleri jyl qorytyndysy boıynsha 100% mólsherde syıaqy alatynyn aıtty. Aı saıyn 25 myń teńge tólem saqtalady, ústemeaqy qaýipsizdik bonýsyna aýdarylady, al ındıkatorlar kásipodaqtarmen birlesip ázirlenedi.
2023 jylǵy 1 qańtardan bastap barlyq bólimsheler qyzmetkerleriniń jalaqysy ınflıatsııa mólsherine ındeksteletin bolady.
– Sheshim óte qıyn boldy. Bizge oblys basshylyǵynyń qatysýymen birneshe birlesken otyrystar qajet boldy. Kelissózder sátti aıaqtaldy, – dep túsindirdi «Qorǵaý» kómir óndirýshiler kásipodaǵynyń tóraǵasy Evgenıı Býslaev.
– Kelisim komıssııasy óz jumysyn jalǵastyrady. Bizde júıelik sıpattaǵy birqatar máseleler bar: kómir departamentiniń kásiporyndaryn personalmen qamtamasyz etý, jabdyqtardy jańartý, shahtalardy damytý perspektıvalary.
«Saran» shahtasynyń óndirý aýysymynyń brıgadıri Asqar Jumamuratov ádil sheshimge qol jetkizilgenin atap ótti.
– Áńgime qatań boldy biraq kelistik, – dep sanaıdy ol.
– Tólemder boıynsha óz talaptaryn tolyq kólemde oryndaýyna qol jetkizdik. Kompanııa basshylyǵy bizdiń talaptarymyzdy qabyldady.
Ermaǵanbet Bólekpaev kenshiler ujymdarynyń barlyq máselelerin sheshý qajettigin atap ótti.
– Men osyǵan deıin de kelisim komıssııasynyń otyrystaryna qatysqan edim. Barlyq máselelerdi bilemin. Men árqashan tyńdaýǵa, jaýap berýge daıynmyn. Osyndaı formatta kezdesemiz, – dedi oblys ákimi.
