«ArselorMıttal Temirtaý» kúıip qalǵan metallýrgterdiń jaǵdaıy týraly málim etti
ASTANA. QazAqparat - «ArselorMıttal Temirtaý» AQ 2017 jyldyń 12 qazanynda jaraqat alǵan qyzmetkerlerdiń jaǵdaıy týraly habarlady.
№1 gaz qubyrynda jumys istep jatqan kezde jaraqat alǵan qyzmetkerlerdiń jaǵdaıyn dárigerler turaqty, ortasha deńgeıde aýyr dep baǵalady.
Gaz qutqarýshy 1969 jylǵy S. Tolstov, gaz jelileri ýchaskesiniń gazshysy 1967 jylǵy S. Klıýsko, qyzdyrý jáne ystyq ýchaske jumystaryn retteý sheberi 1968 jylǵy V. Redkındi termııalyq kúıik shaldy. Qyzmetkerler Maqajanov atyndaǵy oblystyq travmatologııa jáne ortopedııa ortalyǵynyń kúıik bóliminde jatyr.
Gaz jelileri ýchaskesiniń sheberi 1979 jylǵy E. Mahanov, gaz tsehiniń elektr dánekerleýshisi 1979 jylǵy K. Lýkashev, №1 gaz kóterý stantsııasy ýchaskesiniń temir ustasy 1976 jylǵy V. Semeıchenko Temirtaý qalasy ortalyq qalalyq aýrýhanasy ıntensıvti terapııa bólimi dárigerleriniń turaqty baqylaýynda. Zardap shegýshilerdiń jaǵdaıy aýyr.
Barlyq zardap shegýshilerge qajetti medıtsınalyq kómekter kórsetilip jatyr.
Aıta keteıik, «ArselorMıttal Temirtaý» AQ metallýrgııa kombınatynyń koks tsehynda koks batareıasy jarylyp, kúıik shalǵan alty metallýrg aýrýhanaǵa jetkizilgen edi.
