«ArselorMıttal Temirtaý» kompanııasynyń ókilderi jańa qurylǵylar satyp almaqshy
ASTANA. QazAqparat - «ArselorMıttal Temirtaý» kompanııasynyń ókilderi 135 mln teńgege jańa súzgi jáne aýa baptaǵysh qurylǵy satyp almaqshy, dep habarlaıdy nv.kz.
Kompanııanyń baspasóz qyzmeti qorshaǵan ortaǵa tastalatyn zııandy qaldyqtardyń mólsherin azaıtýǵa baǵyttalǵan joba týraly habarlady.
Áńgime kokstihımııalyq óndiristiń kómir daıyndaý tsehyn qaıta jóndeýden ótkizý týraly bolyp otyr. Kompanııa atalmysh jumystarǵa 135 mln teńge jumsamaqshy.
Kombınat ókilderi 2021 jylǵa deıin kómir daıyndaý tsehyndaǵy aýa baptaǵysh qurylǵylardy aýystyrýǵa ýáde berdi. Olar eskirgen qurylǵylardyń jańa, tıimdiligi joǵary úlgilerin satyp alýdy kózdep otyr.
Baspasóz qyzmetiniń habarlaýynsha, jańa quraldar organıkalyq emes shań-tozańdy 82 paıyzǵa azaıtýǵa múmkindik beredi. Bul júıeler tozańdanǵan aýany shań bóletin kózderdiń jaǵdaıyna qaramastan sorǵytyp alýǵa qaýqarly. Shań tozańnan tazartatyn qurylǵynyń tıimdiligi 99,8 paıyz degen boljam aıtylyp otyr.
