«ArselorMıttal Temirtaý» kompanııasyna qandaı sharalar qoldanylady
NUR-SULTAN. QazAqparat - Sáýir aıynda «ArselorMıttal Temirtaý» AQ óndiristi jańǵyrtý men qaıta qurýdyń strategııalyq damý josparyn usynady, dep habarlaıdy QazAqparat Ekologııa mınıstrligine silteme jasap.
Buǵan deıin Qazaqstannyń ekologııa, geologııa jáne tabıǵı resýrstar mınıstri Maǵzum Myrzaǵalıev «ArselorMıttal» kompanııasynyń vıtse-prezıdenti Vıjaı Goıal myrzamen kezdesken edi.
«2019 jyldyń sońynda kompanııamen memorandým bekittik. Kompanııa 4 jyl ishinde shyǵaryndylardyń 30%-yn azaıtý týraly mindetteme aldy. 2020 jyldyń qorytyndysy boıynsha mınıstr bastaǵan top Temirtaýda úsh ret keńes ótkizdi. Qańtar aıynda da baryp keldi, biraq kompanııa bul mindettemelerdi oryndamaı jatyr. Memorandým boıynsha talaptardyń nege oryndalmaı jatqany týraly óte qatań áńgime boldy», - dedi QR EGTRM Ekologııalyq retteý jáne baqylaý komıtetiniń tóraǵasy Zýlfýhar Joldasov Nur-Sultanda ótken jýrnalısterge arnalǵan brıfıngte.
Onyń aıtýynsha, kompanııa qazirgi pandemııaǵa, karantın sharalaryna jáne jabdyqtardy jetkizýdiń qıyndyǵyna jáne basqa da sebepterdi aıtqan.
«Kompanııa sáýir aıynyń sońyna deıin shyǵaryndylardy jańǵyrtý, qaıta jaraqtandyrý jáne azaıtý boıynsha tolyq strategııany usynýǵa ýáde berdi. Mınıstr barlyq talaptardy aıtty: 4 jyl ishinde shyǵaryndylardy kem degende 30% tómendetýdi qamtamasyz etý, halyq pen memlekettik organdar shyǵaryndylardyń naqty kólemin kóre alýy úshin barlyq shyǵaryndylardy avtomattandyrý qajet», - dep atap ótti Z. Joldasov.
Sonymen birge Z. Joldasov ýáde men strategııalar oryndalmasa, kompanııaǵa qaýip tónetinin aıtty.
«Eger oryndalmasa, ruqsatty qaıtaryp alý máselesi de qarastyrylýy múmkin. Ruqsatty keri qaıtaryp alý árıne, jabýdy, toqtata turýdy qamtıdy. ıAǵnı, bul mindettemelerdi qatań qoıyp, olardyń oryndalýyn qadaǵalaıtyn bolamyz», - dedi komıtet tóraǵasy.
Sondaı-aq, Temirtaý qalasynda úsh jyl ishinde 500 myń aǵash otyrǵyzý jospary bar
