«ArselorMıttal Temirtaý» kompanııasyna 5,8 mlrd teńge aıyppul salyndy

ASTANA. QazAqparat – «ArselorMıttal Temirtaý» kompanııasyna 5,8 mlrd teńge aıyppul salyndy. Ortalyq kommýnıkatsııalar qyzmetinde ótken brıfıngide Ekologııalyq retteý jáne baqylaý komıtetiniń tóraǵasy Zulfuhar Joldasov osylaı málimdedi, dep habarlaıdy QazAqparat tilshisi.

«ArselorMıttal Temirtaý» metallýrgııalyq kesheni – Temirtaý qalasyndaǵy atmosferalyq aýany lastaýshy negizgi kásiporyn. Onyń aýany lastaýdaǵy úlesi – 86,4 paıyz. Jyl saıyn «ArselorMıttal Temirtaý» kásipornyna ekologııalyq baqylaý júrgiziledi. Bıylǵy 9 aıda aýmaqtyq ekologııa departamenti kompanııaǵa 7 josparly jáne jospardan tys tekserý júrgizdi. Onyń nátıjesi boıynsha ekologııalyq zańnamanyń buzylýy faktileri anyqtaldy. Máselen, beıorganıkalyq shań-tozańdardy normatıvten tys shyǵarǵan, buryn berilgen nusqamalardy oryndamaǵan jáne gaz shyǵatyn qurylǵylardy ustaý boıynsha tıimdi sharalar qabyldamaǵan», - dep málim etti Zulfuhar Joldasov.

Onyń aıtýynsha, atalǵan kemshilikter negizinde «ArselorMıttal Temirtaý» kompanııasyna jalpy somasy 5,8 mlrd teńge aıyppul salynǵan. Kásiporyn bul sheshimmen kelispeı, shaǵym túsirgen. Zulfuhar Joldasov qazir istiń sotta qaralyp jatqanyn atap ótti.