«ArselorMıttal Temirtaý» kombınatynda jumysshy qaza boldy
ASTANA. QazAqparat - «ArselorMıttal Temirtaý» AQ metallýrgııalyq kombınatynda jazataıym oqıǵa saldarynan jumysshy qaza tapty, dep habarlaıdy QazAqparat.
«Dúısenbi, 9 sáýir kúni MNLZ-2 konverterlik tsehyndaı oqys oqıǵa oryn aldy. Sonyń saldarynan 1973 jylǵy kompanııa qyzmetkeri qaza tapty. Oqıǵanyń mán-jaıyn anyqtaý úshin arnaıy komıssııa quryldy. Kásiporyn ujymy qaza tapqan azamattyń týystary men jaqyndaryna qaıǵyryp kóńil aıtady», - dedi «ArselorMıttal Temirtaý» kompanııasynyń resmı ókili Alekseı Agýreev.
Qaza tapqan jumysshynyń áriptesteriniń sózine qaraǵanda, avtokran aýyr jabdyqty joǵary kótergen. Alaıda, arqan úzilip ketip, jerge qulaǵan jabdyq jumysshyny jaraqattaǵan.
