«ArselorMıttal Temirtaý» keltirgen shyǵyn 1 mlrd teńgeden asady - mınıstrlik

NUR-SULTAN. QazAqpart - Bıylǵy jyldyń naýryz aıynda «ArselorMıttal Temirtaý» AQ konvertorlyq tsehynda lastaýshy zattardyń jappaı shyǵarylý faktisi boıynsha osy kásiporynǵa jospardan tys tekserý júrgizildi.

Aqpan aıynyń sońynda áleýmettik jelilerde zaýyttan qyzǵylt tútinniń shyǵyp jatqandyǵy týraly vıdeo paıda boldy, al Qaraǵandy oblysy boıynsha ekologııa departamenti atmosferaǵa lastaýshy zattar shyǵarýdyń ruqsat etilgen normalarynan eleýli asyp ketkendigi tirkelgendigin eskertti, dep habarlaıdy QazAqparat QR Ekologııa, geologııa jáne tabıǵı resýrsta mınıstrliginiń baspasóz qyzmetine silteme jasap.

Máselen, tekserý barysynda Qaraǵandy oblysy boıynsha ekologııa departamentiniń tekserý komıssııasy «Arselor Mıttal Temirtaý» AQ kásipornynan bólinetin gazdardy ustaý jáne tazartý júıesin paıdalaný qaǵıdalary buzylǵanyn anyqtady. Tekserý barysynda, bul buzýshylyq tehnologııalyq jabdyqtyń qanaǵattanǵysyz jaı-kúıinen týyndaǵany dáleldendi. Osyǵan baılanysty, №2 konverter aǵymdaǵy jyldyń mamyr aıyna deıin kúrdeli jóndeýge toqtatyldy.

Zaýytty muqııat tekserý zaýyttyń segiz tsehy boıynsha júrgizilgenin atap ótken jón. Ár túrli normatıvterdiń buzylýy men shekten asyp ketýi olardyń jeteýinde anyqtaldy.

Joǵaryda atalǵan barlyq faktiler men ekologııalyq talaptardyń tıisinshe oryndalmaýy QR Ekologııalyq kodeksiniń 69-baby 3-tarmaǵynyń buzylýyna ákep soqty, onda «Tabıǵatty paıdalanýshylar qorshaǵan ortaǵa emıssııaǵa ruqsatta kórsetilgen sharttardy oryndaýǵa mindetti jáne olardy saqtamaǵany úshin Qazaqstan Respýblıkasynyń zańdaryna sáıkes jaýapty bolady» delingen.

Búgingi kúni, júrgizilgen tekserý qorytyndysy boıynsha «Arselor Mıttal Temirtaý» kásipornyna aıyppul salyndy. Budan basqa, kásiporynǵa somasy shamamen* 1 mlrd. teńgeden asatyn zalaldy óteý týraly nusqama jiberildi (* - qazirgi ýaqytta zalaldy baǵalaýdy esepteý boıynsha jumystar áli de júrgizilýde).

Tabylǵan buzýshylyqtardy joıǵanǵa deıin «ArselorMıttal Temirtaý» AQ tsehtarynyń qyzmetin toqtata turý búkil óndiristiń toqtap qalýyna ákeletinin atap ótý mańyzdy, óıtkeni kásiporyn tsıkly tuıyq bolyp tabylady jáne qandaı da bir tsehsyz jumys isteı almaıdy.

Esterińizge sala keteıik, kásiporynnyń vıtse-prezıdenti Vıdjaı Goıal aldaǵy tórt jylda shyǵaryndylar kólemin kem degende 30 paıyzǵa azaıtýǵa, olardy avtomattandyrýdy qamtamasyz etýge jáne úsh jyl ishinde Temirtaý qalasynda 500 myń aǵash otyrǵyzýǵa ýáde bergen bolatyn.