ArselorMıttal Temirtaý qaza tapqan qyzmetkerlerdiń otbasyna qandaı kómek kórsetedi

TEMІRTAÝ. QazAqparat – On jyldyq eńbekaqy, balalardy joǵary oqý oryndarynda oqytý jáne úı áperý. «ArselorMıttal Temirtaý» AQ qaza tapqan qyzmetkerlerdiń otbasyna osyndaı materıaldyq kórsetýge dep ýáde berdi, dep habarlaıdy QazAqparat tilshisi.

«ArselorMıttal Temirtaý» kompanııasynyń basshylyǵy qaza tapqan tórt qyzmetkerdiń otbasyna qandaı qoldaý kórsetiletinin málimdedi.

«Biz bolǵan oqıǵany anyqtaýǵa nıettimiz jáne jazataıym oqıǵanyń sebepterin jáne onyń aldyn-alý joldaryn anyqtaý úshin ýákiletti organdarmen tyǵyz jumys jasaımyz. Biz osy qaıǵyly jaǵdaıdyń saldarynan qaıtys bolǵan otbasylardyń qaıǵysyna ortaqpyz. Bizdiń basty mindetimiz – olarǵa jan-jaqty qoldaý kórsetý» delingen kompanııanyń resmı saıtyndaǵy habarlamada.

Kompanııa mynadaı qoldaý sharalaryn kórsetetinin málim etti:

- Jerleý shyǵyndyn jabý

- Árbir zardap shekken otbasyna qaza tapqan qyzmetkerlerdiń on jyldyq jalaqysy mólsherinde birjolǵy tólem.

- Ár balaǵa 18 jasqa deıin aı saıynǵy saqtandyrý tólemi (eger bala stýdent bolsa, 23 jasqa deıin).

- Balalardyń 23 jasqa deıin kúndizgi oqý nysanynda alǵashqy bilim alýyna ketetin shyǵyndaryn óteý.

- Baspanasy joqtarǵa turǵyn úı satyp alý nemese ol úshin birjolǵy ótemaqy tóleý.

- Qolda bar turǵyn úıdi jóndeýge aqy tóleý. Ipotekalyq tólemderdiń belgili bir bóligin jabý.

- Áıelderi men balalaryn kompanııa kásiporyndaryna jumysqa ornalastyrýǵa járdemdesý.

- Áıelderi men balalaryna shıpajaı, balalar lagerlerine jylsaıynǵy joldama.

Kompanııa qaza tapqandar men zardap shekkenderdiń otbasy aldyndaǵy búkil áleýmettik mindettemelerin múltiksiz oryndaıtynyn atap ótti.

Esterińizge sala keteıik, 10 maýsymda «ArselorMıttal Temirtaý» AQ enshiles kásipornynda shatyr opyrylyp qulaǵan bolatyn.

Oqıǵa saldarynan tórt jumysshy qaza taýyp, bireýi aýrýhanaǵa jetkizildi.