«ArselorMıttal Temirtaý» qara qarǵa qatysty pikir bildirdi
ASTANA. QazAqparat - «ArselorMıttal Temirtaý» qara qarǵa qatysty pikir bildirdi, dep habarlaıdy QazAqparat.
«Problema bar jáne kompanııa basshylyǵy ony sheshý úshin aıtarlyqtaı ınvestıtsııa bólip keledi. Ekologııalyq problemany tolyqtaı sheshý - uzaqmerzimdi joba. Ony qysqa merzimdi sheshý múmkin emes. Metallýrgııalyq kombınat sııaqty nysandar eldi mekennen belgili bir qashyqtyqta ornalasýy tıis. Al shyndyǵyna kelgende qala men metallýrgııalyq kombınat bir-birine taqaý salynǵan. Osyǵan qaramastan kompanııa ákimshiligi kombınattyń qorshaǵan ortaǵa jáne eldi mekenderdiń ekologııasyna keri áserin tómendetýge bar kúsh-jigerin jumsap keledi», - dedi kompanııadan.
Taratylǵan derekke qaraǵanda, osydan 20 jyl buryn kombınat jylyna 82 myń tonna shań-tozań shyǵarsa, búginde onyń kólemi 24 myń tonnany qurap otyr. ıAǵnı, 20 jyldyń ishinde 3,5 esege azaıǵan.
«Tazartý qurylǵysy jumysyna baqylaýdy kúsheıtý týraly sheshim qabyldandy. Sonymen qatar ekologııalyq ahýaldy turaqtandyrýǵa baǵyttalǵan qosymsha sharalar da júrgiziledi. 2016 jylmen salystyrǵanda ótken jyly bolat departamenti emıssııasynyń sany 18029 tonnaǵa azaıdy. 2018 jyly da ekologııalyq jobalardyń arqasynda emıssııalardy tómendetý josparlanyp otyr», - de atap ótedi «ArselorMıttal Temirtaý».
Kompanııa málimetinshe, 2017, 2018 jáne 2019 jyldary metallýrgııalyq kombınattyń ekologııalyq qural-jabdyqtaryna 18,5 mlrd teńge ınvestıtsııa jumsalatyn bolady.
Aıta keterligi, 2017 jyly ekologııalyq jobalary júzege asyrýdyń aıasynda 5,3 mlrd teńge ıgerildi.
Sonymen qatar kompanııa qara qar jaýýyna kómirmen jylynatyn jeke turǵyn úılerdiń tútininiń de úlesi bar dep esepteıdi.
«Metallýrgııalyq kombınat jumysy - bul óńirdiń ekologııasyna yqpal etetin kóptegen faktordyń biri ǵana. Ekologııaǵa peshpen jylytylatyn 4 myńnan astam úı men sany 3 ese artqan avtomobılder de áser etedi. Kompanııa qyzmetkerleriniń negizgi bóligi Temirtaý turǵyndary, osy jerde olardyń otbasy turady. Sondyqtan da barlyǵy óńirdiń ekologııalyq ahýalyn jaqsartý qajetigin túsinedi», - dep atap ótedi kombınattyń baspasóz qyzmeti.
Buǵan deıin habarlaǵanymyzdaı, Temirtaý qalasynyń ákiminen qalaǵa jaýǵan qardyń beti áp-sátte qaraıyp ketýine baılanysty ekologııa departamentine hat joldandy. Sondaı-aq bul máseleni anyqtaý úshin arnaıy jumys toby da quryldy.
