«ArselorMıttal Temırtaý» tsehyndaǵy avtokrannyń arqalyq beldigi opyryldy
QARAǴANDY. QazAqparat - «ArselorMıttal Temırtaý» AQ-nyń suryptaı ılemdeý tsehynda elektr kópirli krannyń arqalyq beldigi qaq ortasynan bólindi, dep habarlaıdy «QazAqparat» HAA tilshisi.
Metallýrgııa kombınatynyń tsehyndaǵy tótenshe jaǵdaıdyń sýreti áleýmettik jelige tarap ketti. Júk kóliginiń qıraǵan aýmaǵy qorshaýǵa alyndy.
«ArselorMıttal Temırtaý» kompanııasy jaǵdaıǵa túsinikteme berdi:
«Ýákiletti uıymnyń ókilderi jańa elektr kópirli krandy statıstıkalyq synaqtan ótkizdi. Krandy paıdalanýǵa bermeı jatyp, synaqtan ótkizý - mindetti bolyp tabylady. Júkti kóterý barysynda krannyń arqalyq beldigindegi dánekerelengen jigi ajyrap, ekige bólindi», - dep habarlady «ArselorMıttal Temırtaý» kompanııasynyń baspasóz qyzmetinde.
Kompanııa atap ótkendeı, eshkim zardap shekpegen.
«Zardap shegýshilerdiń bolýy múmkin emes. Sebebi, qaýipsizdik tehnıkasyna sáıkes, synaq jumystaryna qatysqan mamandar arnaıy qorshalǵan qaýipsiz aımaqta bolǵan. Al kran qashyqtyqtan basqarylady. Mashınıst kabınasy joq, jasap shyǵarǵan zaýyt ony qarastyrmaǵan», - dep túsindirdi baspasóz qyzmetinde.
Atap ótilgendeı, atalmysh kran synaqtan ótpedi, sondyqtan qoldanysqa berilmeıdi.
