«ArselorMıttal Temirtaý» AQ-tyń qyzmetkerler jónindegi dırektory sottalyp jatyr
QARAǴANDY. QazAqparat - «ArselorMıttal Temirtaý» AQ-tyń qyzmetkerler jónindegi dırektory Anna Adom eńbek zańnamasyn buzdy degen kúdikpen derbes aıyptaý boıynsha sottalyp jatyr, dep habarlaıdy «QazAqparat» HAA tilshisi.
Temirtaý qalalyq sotynyń sýdıasy Asanáli Smaıylovtyń óndirisine derbes aıyptaý shaǵymy boıynsha qylmystyq is kelip tústi.
Derbes aıyptaýshy - «ArselorMıttal Temirtaý» AQ-nyń «Órken» JShS-tiń qazirgi dırektory ıÝrıı Palamar. Ol Anna Adomnyń ústinen ózin 2016 jylǵy 20 qarashada dáleldi sebepsiz úsh jáne odan da kóp saǵat boıy jumysta bolmaǵany úshin jumystan bosatty degen shaǵym túsirdi. Biraq Palamar sotqa qýynym berip, syrqattanǵandyqtan óz kabınetinde bolmaǵanyn dáleldedi. Temirtaý qalalyq sotynyń sýdıasy Galına Kochýbeı kompanııaǵa ıÝrıı Palamardy burynǵy laýazymyna qaıtarý mindetin júktep, májbúrli túrde jumyssyz júrgen ýaqyty úshin ıÝrıı Palamarǵa 300 myń teńge mólsherinde, zańdy ókildiń qyzmetterine 100 myń teńge mólsherinde ótemaqy tóleý týraly sheshim shyǵardy.
Aǵymdaǵy jyldyń 23 qarashasyndaǵy kompanııanyń apellıatsııalyq shaǵymyn oblystyq sottyń azamattyq ister jónindegi sot alqasy qaıtardy. Biraq ıÝrıı Palamar qyzmetinde elemeýshilikke dýshar boldy. Oǵan kompanııadaǵylar jumysyna qajetti keńse taýarlary men kompıýter bermegen. Sodan keıin ol sotqa derbes aıyptaý shaǵymyn túsirip, Anna Adomdy QR Qylmystyq kodeksiniń 152-babyn buzdy dep aıyptaıdy.
Sot tyńdalymy bastaldy. Anna Adomǵa qatysty bultartpaý sharasy qoldanylmady, óıtkeni bultartpaý sharasy derbes aıyptaý boıynsha ashylǵan qylmystyq iske qatysty qoldanylmaıdy.
