«ArselorMıttal Temirtaý» AQ metallýrgııa kombınatynyń tsehynda órt boldy, bir jumysshy zardap shekti
QARAǴANDY. Qańtardyń 28-i. QazAqparat /Valentına Elızarova/ - «ArselorMıttal Temirtaý» aktsıonerlik kompanııasynyń metallýrgııalyq kombınatynda tótenshe oqıǵa oryn aldy - №3 jaıma-prokat tsehynda sársenbi, qańtardyń 27-si kúni saǵat 19.55-te órt shyqty.
Oqıǵa saldarynan bir jumysshy zardap shekti, dep habarlady kompanııanyń baspasóz qyzmetinen.
«Qazir óndiristik protsess jandandy. Óndiristik agregat jabdyqtary zardap shekpegen, tseh qalypty rejımde jumys istep jatyr», delingen baspasóz qyzmetiniń habarlamasynda.
Órt tsehtyń 16 qalaıylaý bóliminiń jeldetkish tsehynda oryn alǵan. Órt saǵat 22.15-de aýyzdyqtalyp, 23.04-te tolyq sóndirildi.
Oqıǵa saldarynan bir jumysshy kúıik jaraqatymen Temirtaýdaǵy travmatologııa aýrýhanasyna tústi. Qazir órttiń shyǵý sebebi men onyń saldarynan kelgen materıaldyq shyǵyn anyqtalýda.
