«ArselorMıttal Temirtaý» AQ Qaraǵandy oblysynyń ákimdigimen jasasqan memorandým boıynsha áleýmettik jobalardy qarjylandyrýdy 1,5 mlrd. teńgege deıin ulǵaıtady
QARAǴANDY. Aqpannyń 27-si. QazAqparat /Valentına Elızarova/ - «ArselorMıttal Temirtaý» kompanııasy 2010 jyly aımaqtaǵy áleýmettik jobalardy iske asyrýǵa arnap 1,5 mlrd. teńge bóledi, ol ótken jylǵy somanyń jartysynan astamyn quraıdy.
Qaraǵandy oblysynyń ákimdigimen jáne «ArselorMıttal Temirtaý» AQ arasyndaǵy memorandýmǵa qol qoıý juma kúni, aqpannyń 26-da, Temirtaý qalasynda qalalyq ákimdik aktıviniń otyrysynda ótti.
Atap aıtqanda, memorandýmǵa saı kompanııa Uly Otan soǵysyndaǵy Jeńistiń 65 jyldyǵyna oraı ardagerlerge 50 myń teńgeden tóleıdi jáne materıaldyq kómektiń jalpy somasy 25 mln. teńgeni quraıdy. Sonymen qatar, «ArselorMıttal Temirtaý» AQ 100 soǵys ardagerleri men múgedekterine Qaraǵandy oblysynda ornalasqan «Jartas» korporatıvti sanatorııinde demalý jáne emdelý úshin tegin joldamalar beredi.
«Memleket basshysynyń Qazaqstan halqyna Joldaýynda jaýapty mindetterdi - qazaqstandyqtardy sapaly áleýmettik qyzmettermen jáne damyǵan ınfraqurylymdarmen qamtamasyz etýdi alǵa qoıdy. Ony sheshýde tek jergilikti organdar ǵana emes, iri kásiporyndar da qatysýy tıis», - dedi Qaraǵandy oblysynyń ákimi Serik Ahmetov memorandýmǵa qol qoıý rásiminde kompanııanyń basshylyǵyna áleýmettik máselelerdi sheshýde qoldaý kórsetkeni úshin alǵysyn bildire otyryp.
