«ArselorMıttal Temirtaý» AQ-daǵy tótenshe oqıǵa ornyna Áset Isekeshev attandy
ASTANA. 27 maýsym. QazAqparat - QR Premer-Mınıstriniń tapsyrmasymen «ArselorMıttal Temirtaý» AQ-daǵy óndiristik apat ornyna vıtse-premer - QR ındýstrııa jáne jańa tehnologııalar mınıstri Áset Isekeshev attandy.
Búgin ol sonda Shtab otyrysyn ótkizedi, dep habarlady primeminister.kz saıty.
Sársenbi kúni «ArselorMıttal Temirtaý» AQ-dyń HÝ-1 koks hımııalyq óndirisindegi temir betondy tútin qubyry buzylǵan.
№ 5 koks batareıasynyń jylytý qabyrǵalarynan janǵysh ónimderdi joıýǵa arnalǵan qubyrdyń bir bóligi qıraǵan. Qubyrdyń syrtqy dıametri 11 metrdi quraıdy, al bıiktigi - 90 metr.
Nátıjesinde dıametri 2000 mm bolatyn tikeleı koks gazynyń gaz qubyry zaqymdalyp, koks gazy, kómir daıyndaıtyn tseh galereıasy órtengen.
Apat saldarynan domna, aglodomendik jáne ılek óndirisi shektelgen.
QR TJM málimetine qaraǵanda, saǵat 17.45-te ÓSjAQJQ, «Órt sóndirýshi» AQF kúshimen jalyn aýyzdyqtalyp, saǵat 21.45-te tolyǵymen sóndirildi. Qaza tapqandar men zardap shekkender joq.
