«ArselorMıttal Temirtaý» AQ-da jumys isteıtinder jalaqyny kem degende 30 paıyzǵa kóterýdi talap etýde
QARAǴANDY. 19 mamyr. QazAqparat - Búgin Qaraǵandy oblysynyń Temirtaý qalasynda metallýrgter men shahterlerdiń eńbekaqasyn kóterý boıynsha «ArselorMıttal Temirtaý» AQ-da jumys isteıtinder sanktsııalyq mıtıng ótkizdi.
«Bul bizdiń eńbek daýymyz, oǵan qatysty sheshim quqyqtyq deńgeıde sheshilýi tıis», - dep málimdedi mıtıngti uıymdastyrýshylar.
Biz bul aktsııany ótkizýge májbúr boldyq, sebebi uzaq ýaqytqa sozylǵan kelissózder kúttirgen nátıje bermedi, dep atap ótildi jınalystyń barysynda.
«Jalaqyny kem degende 30 paıyzǵa kóterý kerek», - dep málimdedi óz sózderinde eńbek ujymdarynyń ókilderi. Sonymen qatar jumysshylar jalaqyny kóterý kezeńderi ótken merzimnen - 2011 jyldyń 1 qańtarynan bastap bolǵandyǵyn talap etýde.
«Biz mıtıngke qatysýshylar - «ArselorMıttal Temirtaý» AQ-da jumys isteımiz jáne de shahterler men metallýrgterdiń eńbek ujymdarynyń eńbekaqyny ósirý talaptaryn qoldaımyz!»
«Jaqtaý» metallýrgter jáne «Qorǵaý» shahterler kásipodaqtary qazaqstandyq zańnamanyń aıasynda máseleni beıbit ári tynysh sheshýde barlyq jaǵdaıdy jasady, dep sanaıdy mıtıngke qatysýshalar.
«Oblystyq jáne qalalyq bılik ókilderimen máseleni sheshýde usynylǵan barlyq jaǵdaılar jasaldy. Degenmen bizdiń máseleni sheshýde jaǵdaıǵa baılanysty moıynsunýshylyǵymyz kúttirgen nátıje bermedi. Biz jumys berýshilerden shahterler men metallýrgterdiń jalaqylaryn kóterý máselesin - kómir jáne qurysh departamentterinen eńbek ujymdarynyń talaptaryn oryndaýdy suraıtyn bolamyz», - delindi mıtıngte.
Bul qujattyń mátini «ArselorMıttal Temirtaý» AQ-nyń basqarmasyna, sondaı-aq QR Prezıdentine, Úkimetke, «Nur Otan» HDP-ǵa, Qaraǵandy oblysynyń jáne Temirtaý qalasynyń ákimderine jiberiledi, dep atalyp ótti mınıngide.
«Kelesi aptada eskertý ereýilin ótkizý úshin qol jınaımyz», - dedi «Jaqtaý» metallýrgter kásipodaǵynyń tóraǵasy Vladımır Dýbın. Shahterler metallýrgterdiń áreketin qoldaıdy, dep atap ótti «Qorǵaý» shahterler kásipodaǵynyń tóraǵasy Marat Myrǵaıazov.
Kompanııa óz kezeginde kelissózderdi jalǵastyrýǵa nıetti.
Jýyrda, 17-18 mamyrda kompanııanyń basshylyǵy áleýmettik áriptestik pen áleýmettik jáne eńbek qatynastaryn retteý boıynsha oblystyq úshjaqty komısııanyń aıasynda kásipodaqshylarmen kelissózderdiń 2 raýndyn ótkizildi.
«ArselorMıttal Temirtaý» AQ kompanııasynyń basshylyǵy 2012 jyldyń 21 mamyrynan tarıfter ındeksin 2011 jyldyń ınflıatsııa deńgeıine, ıaǵnı eńbekaqyny 7,4% ındeksatsııalaýdy, sondaı-aq tarıfter men jalaqyny 2,6% kóterýdi usyndy. Bul usynys bir aıdyń ishinde 265 myń tonna jáne odan da joǵary belgilengen kórsetkishti oryndaǵan kezde ǵana júzege asyrylmaq», - dep atap ótti qyzmetkerlerdi basqarý boıynsha dırektor. Sonymen qatar kompanııanyń basshylyǵy jalaqyny 2012 jyldyń 1 qańtarynan bastap kóterý boıynsha kelissózderge oralýdy usynyp otyr.
Kásipodaq kóshbasshylary bul usynysqa kelispeı, qabyl almady.
Mınıngige 3000 adam qatysty.
