«ArselorMıttal Temirtaý» 10 jylda shyǵaryndylar kólemin 50 paıyzǵa azaıtý múmkin

NUR-SULTAN. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıevtiń halyq aldyndaǵy esep berý kezdesýi onlaın formatta ótip jatyr, dep habarlaıdy QazAqparat tilshisi.

Áýeli mınıstr 2020 jyl men bıylǵy 5 aıda atqarylǵan jumystary týraly baıandama oqydy. Sol bıandamada «ArselorMıttal Temirtaý» kompanııasymen jasalǵan kelisimderge bólek toqtaldy.

«Qaraǵandy oblysynda qol qoıylǵan memorandým boıynsha bizdiń mınıstrlik pen «ArselorMıttal Temirtaý» AQ arasynda kelisim jasaldy. Kompanııa 2025 jylǵa deıin atmosfer a lyq aýaǵa tastalatyn shyǵaryndylardyń kólemin 30 paıyzǵa azaıtýǵa mindet alyp otyr. Sonymen qatar, temirtaý qalasynyń aınalasyna 500 myń túp aǵash egiledi. 30 paıyz degen aqyrǵy shek emes ekenin aıtqym keledi. Biz qazir «ArselorMıttal Temirtaý» kompanııasymen shyǵaryndylar kólemin 10 jyldyń ishinde 50 paıyzǵa deıin azaıtý týraly kelissózder júrgizip jatyrmyz», - degen Maǵzum Myrzaǵalıev Almatydaǵy jylý-elektr ortalyqtarynyń jaǵdaıyn sóz etti.

«Qalalardaǵy atomsferalyq aýanyń lastanýyn tejeý úshin mınıstrlik pen qoǵamdyq uıym ókilderi arqasynda birqatar kompanııamen qorshaǵan ortaǵa zııandy shyǵaryndylardyń kólemin azaıtýy týraly kelisimderge qol jetkizdi. Almaty qalasy boıynsha №2 jylý-elektr ortalyǵy boıynsha sheshim qabyldandy. Al №3 jylý-elektr ortalyǵyn gazǵa aýystyrý boıynsha tehnıkalyq-ekonomıkalyq negizdeme jasaý bastaldy», - dedi mınıstr el aldyndaǵy eseptik kezdesýinde.