ArselorMıttal Temirtaý 1 qańtardan bastap jumyskerleriniń jalaqysyn ósiredi
QARAǴANDY. QazAqparat - «ArselorMıttal Temirtaý» AQ el Prezıdentiniń jalaqyny ósirý bastamasyn qoldaǵan iri ónerkásip kásiporyndarynyń biri boldy, dep habarlaıdy «QazAqparat» HAA.
2019 jyldyń 1 qańtarynan bastap kompanııa jumyskerleriniń tarıfteri men aılyǵy 8-10 paıyz ósedi. Budan basqa, ujymdyq kelisimshartqa sáıkes, kompanııa jumyskerleriniń jalaqysy 2018 jylǵy ınflıatsııa deńgeıinen 50 paıyz ındeksteledi.
«Ózderińiz bilesizder, bizdiń Prezıdentimiz 2019 jyldyń 1 qańtarynan bastap búkil Qazaqstan boıynsha eń tómengi jalaqy mólsherin ósirý týraly aıtqan. Biz Nursultan Nazarbaevtyń metallýrg bolǵanyn, eńbek jolyn bizdiń kombınatta bastaǵanyn maqtan etemiz. Biz Memleket basshysynyń eń tómengi jalaqy mólsherin ósirý bastamasyn qoldaǵan alǵashqylardyń birimiz. Bul sheshimdi ujym bolyp qabyldadyq», - dep málimdedi «ArselorMıttal TMD» Bas dırektory Paramjıt Kalon.
Jalaqyny ósirý «ArselorMıttal Temirtaýdyń» barlyq qurylymdyq bólimsheleri, sondaı-aq enshiles kompanııalaryna tıesili.
Budan basqa, 2019 jyldyń birinshi maýsymynda kompanııa óndiristik nátıjelerge qarap 13-shi jalaqyny tóleýge ýáde berip otyr.
Paramjıt Kalon «ArselorMıttal Temirtaý» AQ-da 2019 jyldyń 1 qańtarynan bastap jańa eń tómengi jalaqy mólsheri salalyq koeffıtsıentti esepke alǵanda zııandy eńbek jaǵdaıynda jumys istep júrgender úshin 77 myń teńgeden asatynyn naqtylady.
