«ArselorMıttal» shahtasyndaǵy órt: Qazaqstannyń eńbek konfederatsııasy pikir bildirdi
«Qazaqstannyń eńbek konfederatsııasy «Qazaqstan» shahtasyndaǵy tótenshe jaǵdaı saldarynan qaza tapqandar men zardap shekkenderdiń týǵan-týystaryna kóńil aıtady. Tótenshe oqıǵa qarsańynda, 16 tamyzda Qazaqstannyń eńbek konederatsııasy atynan Qazaqstan Prezıdentine ashyq hat joldandy. Onda memlekettiń egemendiginiń 30 jylynda kásipodaq qozǵalysy zań júzinde de, is júzinde de áleýmettik seriktestik júıesiniń áleýeti men múmkindigin júzege asyrmaǵandyǵy kórsetilgen», - dedi Murat Mashkenov QazAqparat tilshisine bergen suhbatynda.
Onyń paıymynsha, oǵan qoldanystaǵy zańnamalyq bazanyń jetildirilmeýi men memlekettiń kásipodaqtarǵa jáne olardyń atqarýshy organdarynyń quramyna taǵaıyndalǵan tulǵalarǵa qatysty formaldy qatynasy bar saıasat júrgizýi sebep.
«Halyqaralyq eńbek uıymy Qazaqstanda memlekettik organdarda tıimdi áleýmettik seriktestikti damytý úshin baıypty tosqaýyl quratyn kásipodaqtarmen ózara is-qımylda favorıtızm bar. Kásipodaqtarda eńbek shartyn ózgertýge, jumys oryndaryn saqtaý jáne qaýipsizdikti qamtamasyz etýge yqpal etetin shynaıy tetik joq. Іz júzinde jumys berýshiniń is-áreketine qatysty qandaı da bir sanktsııa qoldanýǵa múmkindik bermeıtin qoǵamdyq baqylaý qyzmeti ǵana bar», - dedi ol.
Sonymen qatar M.Mashkenov «Qazaqstan» shahtasyndaǵy apatty tergeý tolyǵymen aqıatalǵannan keıin Qazaqstan Úkimetiniń «ArselorMıttalmen» kelisimshartyn egjeı-tegeıli qaıta qarap, qajet bolsa, qarym-qatynasty buzý qajettigin atap ótti.
«Óıtkeni, 2006 jyldan beri «ArsellorMıttal» kásiporyndarynda 20-dan astam apat bolyp, 100-den astam adam mert boldy. Bul eńbek qaýipsizdigi talaptarynyń qamtamasyz etilmegendigin dáleldeıdi. Memlekettik eńbek ınspektsııasy qyzmetin tolǵymen Eńbek jáne halyqty áleýmettik qorǵaý mınıstrliginiń qaramaǵyna berý qajet», - dedi Murat Mashkenov.
