«ArselorMıttal» kompanııasy qyzylaǵashtarǵa kómek kórsetýge 60 mıllıon teńge bóldi
ALMATY. Naýryzdyń 19-y. QazAqparat /Erlik Erjanuly/ - Almaty oblysynyń Qyzylaǵash aýlynda naýryzdyń 12-si kúni oryn alǵan tabıǵat apatynan zardap shekken halyqqa materıaldyq jáne qarjylyq kómek kórsetýshilerdiń qataryna «ArselorMıttal» kompanııasy qosyldy,
dep habarlaıdy QazAqparat «ArselorMıttal Temirtaý» AQ-nyń baspasóz qyzmetine silteme jasap.
Qyzylaǵashtyqtardyń qaıǵysyna ortaqtasqan kompanııanyń Qazaqstandaǵy bas dırektory Frank Pannır qaıyrymdylyq sharadan ózderiniń de tys qala almaıtynyn jetkizdi. Olar bul joly 60 mıllıon teńge bólip otyr. Jalpy alǵanda, bul óndiristiń alǵashqy qaıyrymdylyq sharasy emes. Buǵan deıin olar 2009 jyly Gaıtıdegi jer silkinisinen, 2008 jyly Mıanmadegi tropıkalyq tsıklonnan jáne Sychýan provıntsııasyndaǵy zilzaladan zardap shekkenderge de gýmanıtarlyq kómek kórsetken bolatyn. Álemde bolat óndirýden aldyńǵy oryndaǵy bul kompanııanyń 60-tan astam elde óz ókildigi bar.
