«ArselorMıttal» basshylyǵy shahterlerdiń qaza bolýyna qatysty iste tergeldi
ASTANA. QazAqparat «ArselorMıtall Temirtaý» kompanııasynyń Saran shahtasynda 4 shahterdiń ólimine qatysty qoǵamdyq rezonans týdyrǵan qylmystyq is boıynsha sot tyńdaýy bastaldy, dep habarlaıdy QazAqparat.
Sot tyńdaýy barysynda kásiporyn basshylyǵy tergeldi. Olar Saran shahtasyndaǵy jer asty relsti kóligin paıdalanýda ózderiniń jaýapty emes ekendikterin málim etti.
Sara qalalyq sotynyń aqparatyna qaraǵanda, kýágerlerdi tergeý jalǵasýda. Sottalýshylardyń qatarynda úsh adam bar. Olar: «Ferrıt» dızel tasymaldaǵyshynyń mashınısi Evgenıı Trofımovıch, «Ferrıt» dızel tasymaldaǵyshynyń mashınısi Sregeı Mıshın jáne relsti kólik ýchaskesiniń bastyǵy Dmıtrıı Arabadjı.
«Іs boıynsha 31 kýger shaqyrylǵan. Olardyń qatarynda Saran shahtasynyń laýazymdy tulǵalary jáne «Kómir» áskerılendirilgen apattyq qutqarý qyzmetiniń qutqarýshylary bar», - delingen habarlamada.
Aıta keteıik, qaıǵyly oqıǵa 2016 jyly 10 qarashada, shamamen saǵat 14:20-da 7-gorızontta K9 bas konveıerlik eńistiń burylysynda oryn aldy boldy. Jolaýshylar kabınasynyń proýshınasy synǵan jáne ajyraǵan. Sonyń saldarynan 12 kenshi mingen jolaýshylar kabınasy tómenge syrǵyǵan. 220 metr eńiske quldılaǵan kabına jyldamdyǵy údeı túsedi. Osy kezde jolaýshylar kabınasy qabyrǵaǵa soǵylyp, saldarynan úsh jumysshy qazylǵan jerge qulap túsken. QR IDM respýblıkalyq komıssııasynyń sheshimimen Saran shahtasynyń dırektory Sergeı Mýstıvko jáne taǵy 15 laýazymdy tulǵa tórt jumysshynyń ólimine jaýapty dep tanyldy. QR IDM Indýstrıaldy damý jáne óndiristik qaýipsizdik komıteti tóraǵasynyń orynbasary Nurbek Qunanbaevtyń basshylyǵymen komıssııa músheleri 16 adamdy aıypty dep tapty. Barlyǵy qaýipsizdik tehnıkasy boıynsha emtıhan tapsyrýǵa jiberildi. Іs boıynsha úsh adam sotqa tartyldy, al ózge jaýapty tulǵalar tergeý barysyna barynsha kómek kórsetip, áreketterine ókinish bildirgendikten jaýapkershilikten bosatyldy.
