«Arselor Mıttal Temirtaýdaǵy» JEO jóndeýge 5 mlrd teńge bóldi
Energetıka mınıstrligi Temirtaýdaǵy jylý elektr ortalyǵynyń qysqa daıyndyq barysy týraly málimetpen bólisti, dep habarlaıdy Kazinform agenttigi.
«Temirtaý JEO boıynsha bıyl «Arselor Mıttal Temirtaý» kompanııasy jóndeý jumystaryna burynǵydan kóbirek shamamen 5 mlrd teńge bóldi. Ótken jyly gaz qubyrynyń qulaýyna baılanysty problemalar boldy. Qazandyqtar jumysy tıisti deńgeıge jete almady. Qazir gaz qubyrlary máselesi sheshildi, qubyrlar tazartylyp, jóndeldi. Qazandyqtarda da jóndeý jumystary aıaqtaldy», - dedi Energetıka vıtse-mınıstri Jandos Nurmaǵanbetov vedomstvoda ótken baspasóz máslıhatynda.
Onyń aıtýynsha, qyrkúıekte daıyn bolýy tıis 4-shi qazandyq qazanda iske qosyldy.
«Temirtaýda jylytý maýsymy shtattyq rejımde júretinine senimdimiz. Temirtaýda buryn-sońdy bolmaǵan jańa qazandyq salynyp jatyr. Ol boıynsha búginde belgili bir kúrdeli tehnıkalyq máseleler bar. Sondyqtan másele 2024 jylǵa aýystyryldy. Meniń oıymsha, Temirtaý JEO boıynsha jaǵdaı turaqty. Ótken jyly da, bıyl da jylý magıstrali aýystyryldy. Jylý magıstraliniń daıyn bolmaýynda problemalar bolǵan edi. Biz Qaraǵandy oblysy ákiminiń orynbasarymen tyǵyz baılanystamyz. Máseleni qatań baqylaýda ustaıdy. Temirtaýda jylytý maýsymy shtattyq rejımde ótetini týraly aqparatty ákimdik rastap otyr», - deıdi ol.
