«Arselor Mıttal Temırtaý» AQ kásiporny aýmaǵynan reaktıvti snarıadtar men mınalar, iri oqpandy oq-dáriler tabyldy

ASTANA. 26 naýryz. QazAqparat - Qaraǵandy qalasynda «Arselor Mıttal Temırtaý» AQ kásipornyna qarasty bólý-taratý stansysynyń temir joly boıynan reaktıvti snarıadtar men mınalar, iri oqpandy oq-dáriler tabyldy, dep habarlaıdy QR TJM baspasóz qyzmeti.

Keshe Qaraǵandydaǵy Oktıabr aýdanynda ornalasqan «Arselor Mıttal Temırtaý» AQ-nyń kásipornynyń temirjol sholǵynshylary reaktıvti snarıadtar men mınalardy, iri oqpandy oq-dárilerdi taýyp aldy.

Oqıǵa ornyna kelgen ІІB qyzmetkerleri «oljanyń» jaıaý áskerler mashınasynyń úsh reaktıvti snarıady, bir jaıaý áskerge qarsy mına, sonymen qatar oqpandary 76-100 mm bolatyn úsh atý jaraqtary, 122-152 mm oqpandy eki atý jaraqtary ekendigin anyqtady. Barlyq atý quraldarynyń dúmpitkishteri bolmaǵan.

Atalǵan jaraqtar joıylýǵa jiberildi.