«Arsellor Mıttal» ákimshiligi áleýmettik shıelenisti qozdyratyn sheshimder qabyldap júr - A. Raý
ASTANA. QazAqparat - «Arsellor Mıttal» ákimshiligi áleýmettik shıelenisti qozdyratyn sheshimder qabyldap júr. Búgin Parlament Májilisindegi kásipodaqtardy jetildirý máselesine arnalǵan konferentsııa barysynda Indýstrııa jáne jańa tehnologııalar vıtse-mınıstri Albert Raý osyndaı pikir bildirdi.
«Arsellor Mıttalda» razrıadtar arasyndaǵy aıyrmashylyq tıyn-tebendi quraıdy. Mundaıda shyndyǵynda, óziniń jumysyn jaqsartyp, biliktiligin arttyrǵannyń ornyna shý kóterip, bireýdiń tamaǵynan ala júgirgen, árıne ońaı», - dedi A.Raý.
Budan bólek, vıtse-mınıstr jumyskerler ǵana emes, kásiporyn ákimshiligi tarapynan da durys qadam jasalmaıtynyn alǵa tartady.
«Jalpy, «Arsellor Mıttal» týraly aıtatyn bolsaq, keıde maǵan olarǵa shıelinistiń bolyp turǵany, kásiporyndaǵy jumysshylardyń qobaljyǵan kóńil kúıi unaıtyn tárizdi bolyp kórinedi. Keıde eshteńe bolmaı qalsa, ony oılap tabý kerek bolyp turatyn tárizdi olarǵa. Máselen, sońǵy, byltyrǵy jazdaǵy shýdy alsaq, onda da olar «únemdeıik, keseıik» dep bárin búldirdi. Az ǵana qarajatty únemdeý úshin jumysshylar balalarynyń jazǵy demalysyn sýbsıdııalaýǵa baǵyttalǵan qarajatty nemese 13-i aılyqty alyp tastaý týraly másele kóterdi, osy ujym tarapynan jaǵymsyz reaktsııa týdyrǵany este. Tipti, keıde «13-i aılyqty qysqartamyz, ne jumysshylardy qysqartamyz» dep shekten shyqty», - deıdi vıtse-mınıstr.
Onyń aıtýynsha, másele únemdeletin 30 mln. teńge shamasyndaǵy sýbsıdııa týraly bolǵan edi. Bunymen qosa, vıtse-mınıstr kásiporyndardaǵy jumysshylardyń biliktiligin arttyrý máselesine de toqtaldy.
«Biz saladaǵy eńbekaqy jaǵdaıyna taldaý jasadyq. Bul rette yntalandyrý baǵytynda jaǵdaıdyń bári birdeı emes ekeni anyqtaldy. Degenmen, týrasyn aıtaıyq, «Qazaqmys» kompanııasynda keıbir jaǵdaılar bolǵanymen, olarda yntalandyrý faktory barshylyq. Eń bastysy, «Qazaqmys» kásiporyndarynda jumysshylar ózderiniń biliktilikterin arttyrýǵa múddeli ári joǵary jalaqy úshin buǵan qyzyǵýshylyq tanytyp otyr», - dedi ol.
