Arnold Shvartsenegger aıaǵyn syndyryp aldy

Ártis ABC News efırine shyǵatyn Live with Kelly telehabaryna arnaıy medıtsınalyq báteńke kıip keldi.

«Ánsheıin pedıkıýr kezindegi azdaǵan sátsizdik»,-dep ázildeı jaýap berdi ol júrgizýshiniń osy jaǵdaıǵa baılanysty qoıǵan saýalyna. Shvartsenegger artynsha, shamadan tys túsken júktemeniń saldarynan aıaq súıegine syzat túskendigin jetkizdi.

«Múmkin bul shańǵymen jıi serýendeýinen, múmkin kóp otyryp nemese kóp júgirgendiginen bolar... Biraq bul kimge ýaıym deısiń?» -dep atap ótti ol.

 Degenmen,  69 jastaǵy akter  óziniń kóp ýaqytyn joǵaryda aıtqan sporttyq sharalarǵa jumsaıtyndyǵyn  eskerte  ketti.

Shvartsenegger, dárigerlerdiń oǵan birneshe apta boıy medıtsınalyq báteńkeni kııýi tıistigin usynǵanyn, biraq ózi ony «tezdetip shańǵynykine aýystyrýǵa jınalyp» júrgenin jetkizdi. Júrgizýshi de sóz arasynda bul aıaq kıimniń «termınatordiki» tárizdi kórinetindigin  aıta ketti.

Eske sala ketsek, qazan aıynda  Shvartsenegger men Djekı Chan Oleg Stepchenkonyń «Vıı - Qytaıǵa sapar: Temir maska qupııasy» («Vıı-2») fılmderindegi rólder somdaıtyndyǵy belgili bolǵan edi.

 Kalıfornııanyń burynǵy gýbernatorynyń qatysýymen shyqqan fılmderdiń jurtshylyqqa keńinen tanymaldary - «Termınator», «Kommando», «Jyrtqysh», «Qyzyl aptap», « Bárin eske túsirý», «Balabaqsha polıtseıi» jáne «Aqyrzaman».