Arnaıy jasaq asa qaýipti qylmysker jasyrynyp júrgen «Dordoıdaǵy» turǵyn úı alabyn qorshap aldy - Qyrǵyzstan
ASTANA. QazAqparat - Arnaıy jasaq aldyn ala boljam boıynsha, jaralanǵan asa qaýipti qylmysker Azamat Músirálıev jasyrynyp júrgen «Dordoı» turǵyn úı alabynyń oramyn qorshap aldy.
Bul týraly KırTAG oqıǵa ornynan habarlaıdy.
Keıbir úılerdiń turǵyndary qaýipsiz jerge kóshirilýde. Derekkózderdiń aıtýynsha, «qylmysker bir aýladan ekinshisine júgirip ótýde».
Qazirgi kezde arnaıy jasaq turǵyn sileminiń shyǵys aýdanyna baǵyt aldy.
Buǵan deıin habarlanǵandaı, juma kúni tańerteń «Enesaı» turǵyn úı oramdarynyń birinde túrmeden qashyp ketken qylmyskerler tobyndaǵy ekeý anyqtaldy. Ustaý kezinde olardyń biri - Danııar Qadyrálıevti úsh ret atyp óltirdi. Aıaǵy jaralanǵan ekinshisi jasyrynyp úlgerdi.
Eske sala keteıik, 12 qazanǵa qaraǵan túni №50 túzeý mekemesinen toǵyz sottalýshy qashyp ketken. Qashý kezinde olar túrmeniń úsh qyzmetkerin qylqyndyryp óltirip, bireýiniń basyn birneshe ret balǵamen soqqylaǵan.
Toǵyz qashqynnyń beseýi ustalyp, taǵy tórteýi qashyp ketken.
16 qazanǵa qaraǵan túni túzeý mekemesiniń jaraqat alǵan qyzmetkeri, podpolkovnık Tilek Ábilǵazıev kóz jumdy.
