Arnaıy jáne ınklıýzıvti bilim mekemeleriniń úzdik pedagogteri synǵa túsedi

ASTANA. QazAqparat - QR Oqý-aǵartý mınıstrliginiń arnaıy jáne ınklıýzıvti bilim berýdi damytýdyń ulttyq ǵylymı-praktıkalyq ortalyǵy arnaıy bilim berý uıymdarynyń pedagogterine arnap konkýrs jarııalady, dep habarlaıdy QazAqparat.

Qatysýshylar bes nomınatsııa boıynsha synǵa túsedi.

Arnaıy jáne ınklıýzıvti bilim berýdi damytýdyń ulttyq ǵylymı-praktıkalyq ortalyǵynyń dırektory Áıgerim Kýderınovanyń aıtýynsha, dástúrli konkýrs eki kezeń boıynsha ótedi, irikteý jáne fınal.

«Konkýrsqa arnaıy bilim berý uıymdarynyń pedagogteri shaqyrylady. Birinshi kezeńde qatysýshylar sabaqtyń beınejazbasyn konspekt josparymen qosa usynýy kerek. Ekinshi kezeńde kásibı qyzmet týraly portfolıo, ádistemelik júıeler jáne jumys tájirıbesi týraly prezentatsııa daıyndaıdy. Baıqaý pedagogıkalyq eńbektiń bedelin arttyryp qana qoımaı, tájirıbe almasýǵa, jeke tulǵanyń áleýmettik-kásibı resýrstaryn damytýǵa jáne pedagogterdiń sheberligine baǵyttalǵanyn atap ótemin», - deıdi Áıgerim Kýderınova.

Esterińizge sala keteıik, baıqaý jyl saıyn ótkiziledi. Qujat qabyldaý 2023 jyldyń 5 qyrkúıegine deıin jalǵasady.

Tolyq aqparatty myna siltemeden alýǵa bolady.