Arnaıy zańnyń joqtyǵynan memlekettik organdar men aqparat quraldary arasynda túsinispeýshilikter týyndap otyr - depýtat
ASTANA. Qarashanyń 19-y. QazAqparat /Aıdar Ospanalıev/ - Memlekettik organdar Konstıtýtsııa talaptary boıynsha aqparat quraldaryna aqparat berýge mindetti.
Alaıda bul máseleniń tetikteri elde tolyq qarastyrylmaǵan. Sondyqtan elimizde kóp jaǵdaıda memlekettik organdar men buqaralyq aqparat quraldary arasynda birshama túsinispeýshilik týyndap otyr. Al olardy sheshý úshin bizge arnaıy zań qajet. Bul týraly búgin Astanada ótip jatqan «Qazaqstandaǵy jalpyǵa birdeı aqparatqa qoljetimdilik» atty halyqaralyq konferentsııa barysynda Májilis depýtaty Jaqyp Asanov málim etti, dep habarlaıdy QazAqparat.
Onyń aıtýynsha, halyqaralyq konferentsııa barysynda talqylanyp jatqan aqparattyq qoljetimdilike qatysty zań jobasy biz úshin óte mańyzdy. Onda osy atap ótken máselelerdi, ıaǵnı aqparat quraldarynyń memlekettik organdarmen baılanysy máselelerin qarastyratyn baptar bar. «Menińshe, bul zań birinshi kezekte aqparat quraldaryna qajet. Al aqparat quraldary qoǵamdy rýhanı qajettiliktermen qamtamasyz etetin basty qyzmet», dedi depýtat.
