Arnaıy top Astanadaǵy sý men aýanyń tazalyǵyn qadaǵalamaq
ASTANA. QazAparat - Qala ákimi Áset Isekeshevtiń tóraǵalyǵymen «Astana qalasynyń qorshaǵan ortasyn 2020 jylǵa deıingi saýyqtyrý boıynsha keshendi josparyn» jáne «Elordanyń tómen kómirtekti damýynyń 2030 jylǵa deıingi strategııasyn» ázirleý boıynsha birinshi uıymdastyrý otyrysy ótıti, dep habarlaıdy QazAqparat.
Ótken aptada ákimdikte qala ákimi men halyqaralyq jáne qoǵamdyq uıymdardyń basshylary qatysqan jıyn ótip, onda qalanyń ekologııalyq jaǵdaıyn jaqsartý boıynsha jobalar usynylǵan bolatyn.
«Atalǵan keńeste qala ákimdigi, qoǵamdyq birlestikter ókilderi, ǵalymdar men halyqaralyq sarapshylar «Astana qalasynyń qorshaǵan ortasyn 2020 jylǵa deıingi saýyqtyrý boıynsha keshendi jospar» birinshi kezektegi jáne «Elordanyń tómen kómirtekti damýynyń 2030 jylǵa deıingi strategııasy» uzaqmerzimdi sharalar josparyn ázirleý boıynsha birlesip jumys isteýge kelisti», - dep atap ótilgen qala ákimdigi taratqan málimette.
Keńes qorytyndysy boıynsha qala ákiminiń basshylyǵymen komıssııa jáne qajetti baǵyttar boıynsha jeti jumys tobyn qurý týraly sheshim qabyldandy.
Osy oraıda qorshaǵan orta jaǵdaıynyń monıtorıngi jáne ekologııalyq aqparatty taldaý jınaǵy; aýa sapasyn jaqsartý (otyn-energetıkalyq keshen, jańartylatyn energııa kózderin damytý); jer ústi sý resýrstary kózderiniń, sýmen jabdyqtaý jáne sý burý jaǵdaıyn jaqsartý; topyraq jaǵdaıyn jaqsartý jáne qaldyqtardy tıimdi basqarý; ekologııalyq aǵartý, ekologııalyq mádenıetti qalyptastyrý jáne TKSh-ty damytý; kólikterdiń qorshaǵan ortaǵa lastaý júktemesin azaıtý; tómenkómirtekti damý Strategııasyn ázirleý baǵyttary qamtyldy.
Osy qadamdar sarapshylardyń, mamandardyń, turǵyndardyń qamtylýymen birlese otyryp, ashyq rejımde júrgiziletin bolady.
