Arnaıy organdardyń qaza tapqan qyzmetkerlerin jerleýge shyǵyndardy óteý kólemi 80 ese AEK mólsherinde bekitildi - QR Úkimetiniń qaýlysy
ASTANA. 3 qazan. QazAqparat - QR Úkimetiniń 2012 jylǵy 29 tamyzdaǵy № 1102 Qaýlysymen qyzmet ótkerý kezinde qaza tapqan nemese mertigý (jaralaný, jaraqat alý, kontýzııa), aýrýy saldarynan qaıtys bolǵan arnaýly memlekettik organdar qyzmetkerleriniń máıitterin jetkizýdi ázirleýge, máıitterin jetkizýge, jerleýge, qulpytas daıyndaýǵa jáne ony ornatýǵa baılanysty shyǵystardy óteý mólsheri belgilendi.
Qazaqstan Respýblıkasy Úkimetiniń qaýlysy №1102
2012 jylǵy 29 tamyz Astana, Úkimet Úıi
Qyzmet ótkerý kezinde qaza tapqan nemese mertigý (jaralaný, jaraqat alý, kontýzııa), aýrýy saldarynan qaıtys bolǵan arnaýly memlekettik organdar qyzmetkerleriniń máıitterin jetkizýdi ázirleýge, máıitterin jetkizýge, jerleýge, qulpytas daıyndaýǵa jáne ony ornatýǵa baılanysty shyǵystardy óteý mólsherin belgileý týraly
«Qazaqstan Respýblıkasynyń arnaýly memlekettik organdary týraly» Qazaqstan Respýblıkasynyń 2012 jylǵy 13 aqpandaǵy zańynyń 81-babyna sáıkes Qazaqstan Respýblıkasynyń Úkimeti qaýly etedi:
1. Qyzmet ótkerý kezinde qaza tapqan nemese mertigý (jaralaný, jaraqat alý, kontýzııa), aýrýy saldarynan qaıtys bolǵan arnaýly memlekettik organdar qyzmetkerleriniń máıitterin jetkizýdi ázirleýge, máıitterin jetkizýge, jerleýge, qulpytas daıyndaýǵa jáne ony ornatýǵa baılanysty shyǵystar seksen ese aılyq eseptik kórsetkish mólsherinde belgilensin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi jáne 2012 jylǵy 25 aqpannan bastap týyndaǵan qatynastarǵa qoldanylady.
Qazaqstan Respýblıkasynyń Premer-Mınıstri K.MÁSІMOV.
