Arnaıy operatsııa: Іzdeýdegi 353 qylmysker ustaldy
Operatsııa barysynda respýblıkanyń krımınaldyq polıtsııa qyzmetkerleri aýyr jáne asa aýyr qylmystardy jasaǵany úshin izdeýdegi qylmyskerlerdi ustaý boıynsha birqatar arnaıy operatsııalardy ótkizdi.
Máselen, Qostanaı oblysynyń Lısakovsk qalasynda bastamashynyń izdestirý tapsyrmasy boıynsha Taldyqorǵan qalasynda burynǵy jubaıyn óltirýge oqtalǵany úshin osy jylǵy qańtardan bastap Almaty oblysynyń PD izdestirýindegi Taldyqorǵan qalasynyń 30 jastaǵy turǵyny ustaldy.
Aqtóbe oblysynyń Alǵa qalasynda 2021 jylǵy qyrkúıekte meıramhanada pyshaq jaraqattaryn keltirip, oblys ortalyǵynyń eki turǵynyn óltirýge oqtalǵany úshin izdeýde júrgen Aqtóbe oblysynyń 52 jastaǵy turǵyny qolǵa tústi.
Almaty oblysy Jambyl aýdanynyń Qarǵaly aýylynda Qyzylorda oblysynyń PD jedel toby 2021 jylǵy maýsymda Qyzylorda qalasynda týyndaǵan janjaldyń barysynda pyshaq jaraqattaryn salyp, 25 jastaǵy jigitti óltirýge oqtalǵany úshin izdeýdegi 43 jastaǵy qyzylordalyqty ustady.
Almaty qalasynda Jambyl oblysynyń PD jedel toby 37 jastaǵy er adamdy ustaǵan, ol 2021 jylǵy mamyrda Jambyl oblysy Merke aýylynda 13 jastaǵy turǵyndy zorlaǵan.
Shymkentte Tashkent qalasynda jubaıyn óltirgeni úshin 2003 jylǵy sáýirden bastap izdeýde júrgen 59 jastaǵy Ózbekstan azamatshasy da qolǵa tústi.
Nur-Sultan qalasynda jábirlenýshilerge tıesili Audi-80 kóligin ıemdenip alý maqsatynda eki adamdy óltirgeni úshin 1997 jylǵy qyrkúıekten bastap Rostov oblysynyń ІІB izdestirýindegi RF 52 jastaǵy azamaty ustaldy.
Aqtaý qalasynda «Mýhamed» azyq-túlik dúkenine qaraqshylyq shabýyl jasaǵany úshin 2008 jylǵy qyrkúıekten bastap Túrikmenstan Respýblıkasy Ashhabad qalasynyń ІІBB izdestirýindegi 55 jastaǵy qala turǵyny ustaldy.
Osymen birge, operatsııa barysynda TMD elderiniń aýmaǵynda ishki ister organdarynyń qyzmetkerleri memleketimizdiń quqyq qorǵaý organdarynyń izdestirýindegi adamdardy qolǵa túsirgen. Máselen, RF Habarovsk aımaǵynda qylmystyq izdestirý qyzmetkerleri máıiti atys bytyrańqy jaraqattarymen Temirtaý qalasynyń shetinde tabylǵan qala turǵynyń urlaý jáne ony óltirý sybaılasy retinde 2015 jylǵy tamyzdan bastap izdestirýdegi Temirtaý qalasynyń 36 jastaǵy turǵynyn ustaǵan. Ózbekstan Respýblıkasy Tashkent qalasynda Saryǵash qalasynyń kásipkerinen 25 mln teńgeni bopsalaǵany úshin aǵymdaǵy jylǵy aýryzdan bastap izdeýdegi Túrkistan oblysynyń 30 jastaǵy turǵyny ustaldy.
Tájikstan Respýblıkasynyń Soǵdy oblysynda 2019 jylǵy qazanda Shymkent qalasynda «Súndet» dámhanasynda atys qarýyn qoldana otyryp, kisi óltirgeni úshin Shymkent qalasynyń PD izdestirýindegi Qazaqstan Respýblıkasynyń 27 jáne 30 jastaǵy azamattary ustaldy.
Samar oblysynyń Toıattı qalasynda Pavlodar oblysynyń PD izdestirý toby 2020 jylǵy maýsymda Qazaqstan Respýblıkasynyń aýmaǵynda «Qazposhta» AQ-nyń aqparattyq júıesine zańsyz qol jetkizý arqyly adamdar tobynda qaıtalama tranzaktsııalardy qura otyryp, 294 mln teńge jymqyrǵan 39 jastaǵy er adamdy ustaǵan. Qabyldanǵan sharalardyń arqasynda operatsııanyń 10 kúniniń qorytyndysy boıynsha izdestirýdegi 353 qylmysker anyqtalyp, ustalǵan, onyń ishinde kisi óltirgen úshin – 11, densaýlyqqa aýyr zııan keltirgeni úshin – 17, qaraqshylyq shabýyldar jasaǵany úshin – 5, tonaýlar – 8 jáne qorqytyp alý jasaǵany úshin – 1 adam anyqtalyp, ustaldy. Oonyń ishinde: – respýblıkadan tys – 39 (Reseıde – 23, Ózbekstanda – 8, Qyrǵyzstanda – 4, Tájikstanda, Polshada, Monǵolııada jáne Latvııada 1-den); – Dostastyq elderi úshin – 152 (Reseı – 101, Ózbeksstan – 24, Qyrǵyzstan – 19, Túrikmenstan – 4, Belorýs – 3 jáne Tájikstan úshin – 1), Grýzııa men Ońtústik Koreıa úshin 1-den. Sonymen qatar, 122 habar-osharsyz joǵalǵannyń turǵan jeri anyqtaldy, onyń ishinde 4-eýi TMD elderiniń izdestirýindegi (RF – 3 jáne Ózbekstan – 1), 3 tanylmaǵan máıittiń jeke basy sáıkestendirildi.
